50:297  297  SUR  L'EPITRE  AUX  GALATES.  298  que  les  hommes  se  plaisent  tousiours,  et  qu'encores  qu'ils  soyent  convaincus  qu'il  n'y  a  que  toute  pollution  en  eux,  qu'il  y  a  tant  d'ordures  que  c'est  pitie,  et  qu'ils  en  devroyent  avoir  honte,  si  est-ce  qu'ils  se  veulent  encore  reserver  ie  ne  scay  quoy,  et  se  decoivent  tousiours  en  leurs  vaines  fantasies.  Or  tant  y  a  que  tout  ce  que  les  hommes  pourront  avoir  en  eux-mesmes,  apres  s'estre  bien  espluchez,  sera  condamne  sous  ce  mot  de  malice:  que  par  la  il  est  monstre  qu'il  n'y  a  que  corruption  en  nous,  et  que  si  nous  voulons  approcher  de  Dieu  tels  que  nous  sommes,  il  faudra  qu'il  nous  reiette  bien  loin.  Voila  donc  pour  un  item,  qu'ici  tout  orgueil  est  abatu,  afin  que  les  hommes  apprennent  de  ne  se  plus  glorifier  en  rien  qui  soit,  sinon  en  la  bonte  gratuite  de  Dieu,  et  qu'ils  soyent  tellement  confus  en  considerant  leur  turpitudo,  qu'ils  se  condamnent  de  leur  propre  bouche,  et  qu'ils  n'attendent  pas  que  Dieu  prononcent  sentence  contr'eux,  mais  qu'ils  soyent  leurs  propres  iuges.  Voila  en  somme  ce  que  nous  avons  a  observer.  Or  maintenant  nous  voyons  comme  il  nous  faut  cheminer  en  crainte  et  solicitude,  pour  estre  asseurez  que  la  mort  et  passion  de  nostre  Seigneur  Iesus  Christ  nous  appartient.  Car  si  nous  voulons  lascher  la  bride  a  nos  cupiditez,  il  est  certain  que  nostre  Seigneur  Iesus  nous  renonce.  Vray  est  que  nous  aurons  tousiours  nostre  salut  appuye  sur  la  seule  bonte  de  Dieu,  et  qu'il  ne  faut  point  mesler  nos  oeuvres  quand  nous  voulons  avoir  ceste  certitude  de  foy:  mais  plustost  il  nous  faut  renoncer  a  nous-mesmes.  Cependant  quoy  qu'il  en  soit,  nostre  Seigneur  Iesus  Christ  n'est  point  venu  pour  nous  donner  occasion  d'abuser  de  la  grace  qu'il  nous  a  acquise,  car  ce  seroit  pleinement  nous  mocquer  de  luy.  Quand  nous  irons  nous  veautrer  en  nos  ordures,  apres  qu'il  nous  aura  lavez  de  son  sang,  n'est-ce  pas  comme  si  nous  voulions  a  nostre  escient  polluer  une  chose  si  saincte,  et  qui  sanctifie  mesmes  tout  le  monde?  Or  puis  que  nous  sommes  corrompus,  puis  que  le  monde  est  subiet  Ja  maledection  et  que  nous  sommes  tous  condamnez,  il  n'y  a  rien  qui  nous  sanctifie,  sinon  le  sang  de  nostre  Seigneur  Iesus  Christ.  Et  quand  nous  Tirons  ainsi  souiller  (en  tant  qu'en  nous  sera)  de  nos  ordures,  quel  sacrilege  est-ce,  et  combien  insupportable?  Notons  bien  donc  que  pour  iouir  du  fruict  de  la  mort  et  passion  de  nostre  Seigneur  Iesus  Christ,  il  n'est  pas  question  de  nous  donner  licence  de  mal  faire,  de  vivre  selon  nos  appetis  et  cupiditez:  mais  qu'il  nous  faut  tousiours  venir  a  ceste  separation  dont  parle  sainct  Paul,  que  nous  soyons  retirez  de  ce  monde  mauvais,  et  que  nous  ne  rompions  point  les  choses  qui  sont  coniointes  d'un  lien  si  sacre,  et  que  nous  ne  renversions  pas  l'ordre  de  Dieu.  Il  faut  donc  que  les  fideles  s'adonnent