5:297  DE  SACERDOTIO  PAPALI  ABIICIENDO.  quin  dira  illa  auricularium  confessionum  carnificina  misellos  ipsemet  excruciet?  vanis  satisfactionibus,  commentitiisque  absolutionibus  deludat?  quin  fabulosas  purgatorii  naenias,  quae  tantum  secum  vehunt  perniciosae  impietatis,  solenni  prece  stabiliat?  Neque  vero  recipi  debet,  quod  obiectare  subinde  solent:  His  superstitionum  morbis  non  alia  melius  ratione  purgari  hominum  animos  posse,  quam  si  molliter  initio  et  paulo  1)  indulgentius  attrectentur,  donec  ferendis  mali  remediis  assueverint,  et  quodammodo  sint  confirmati.  Itaque,  nisi  quis  moderationem  adhibeat,  [pag.  64]  quae  eorum  teneritudini  nonnihil  concedat,  exorituras  sine  ullo  profectu  graves  offensiones,  odiumque  adversus  Dei  veritatem  acerbius  exarsurum.  Id  sane  nemo  est  qui  non  libenter  illis  consulat,  nedum  permittat:  quin  doctrinam  omnem  suam  sic  temperent,  ut  rationem  semper  habeant  tantae  imbecillitatis,  quanta  nunc  populum  fere  laborare  constat:  quin  praeteritis  interdum  minutis  rebus,  apprime  necessaria  urgeant  :  quin  emendandis  maioribus  delictis  insistentes,  ad  exiguos  quosdam  naevos  pro  tempore  conniveant:  denique  lacte  ac  melle  pascant,  qui  nondum  solido  cibo  sunt  idonei.  Sed  enim  illorum  vicissim  fuerit,  primum  dare  operam,  ne  suae  ipsorum  imbecillitati  praetextum  magis  captent,  quam  rationem  ineant  sustinendae  eorum  infirmitatis,  quibus  confirmandis  studere  debent.  Deinde  non  ea  dissimulare,  quibus  stantibus  emergere  Christum  cum  evangelii  sui  luce  prorsus  nequeat:  tum  non  ea  indulgentia  ignorantiam  ferre,  qua  magis  ac  magis  indurescat,  sed  qua  paulatim  dissuatur:  quando  momento  uno  rescindi  commode  non  potest.  Postremo  veritatis  praedicationem  sic  moderari,  ne  perniciosis  rursum  mendaciis  ipsam  contaminent.  Quid  autem  clarius  est,  quam  sinistra  illa  sua  prudentia  non  aliud  quaerere,  nisi  ut  sibi  duntaxat  sapiant?  Si  nullo  discrimine  libere  docendi  potestas  facta  illis  esset,  satis  appareret  quam  infirmitatem  curae  habeant.2)  Et  si  verum  esset,  aliqua  ipsos  populi  sollicitudine  tangi,  quod  quidem  vanissimum  est:  quis  tamen  illis  largiatur,  ut  horrenda  impietatis  exempla  sub  oculis  suis  perpetrari  dissimulanter  ferant?  Quis  unquam  apostolorum  Deum  unum  annunciavit,  qui  non  aperta  voce  deos  omnes  gentium  daemonia  esse  clamaret?  Quis  de  puro  Dei  cultu  concionatus  aliquando  est,  qui  non  a  vanis  deorum  superstitionibus  longissime  abstraheret?  Quis  sitam  in  Christo  salutem  docuit,  qui  non  ab  idolorum  fiducia  prorsus  averteret?  Quis  cum  mendacio  veritatem,  lucem  cum  tenebris,  evangelium  cum  exsecratione,  Christum  cum  Belial,  eadem  copula  colligavit?  Isti  vero  deorum  myriades,  1)  1576  .1611  vitoose  omittunt,  et.  Amstelodamensis  emendat-  initio  ac  paulo.  2)  1576  seqq.,  habent.