41:297  297  IN  DANIELEM.  CAP.  XII.  298  praefigi.  Fateor  quidem,  quum  de  polluto  templo  ante  disseruit  propheta,  locum  sic  debuisse  intelligi.  Nam  constat  ex  historiis  non  fuisse  purgatum  templum,  nisi  post  finem  triennii,  et  septem  vel  octo  menses.  Valeat  illud  suo  loco,  sed  quantum  ad  doctrinam  quae  hic  traditur  pertinet,  simpliciter  ut  etiam  antea,  tempus  hic  ponitur  pro  longo  tractu,  tempora,  pro  longiore  tractu,  dimidium  vero  pro  fine,  vel  exitu.  Summa  igitur  est,  adhuc  multos  annos  esse  exspectandos,  donec  compleat  Deus  quod  prophetae  suo  ostendit.  Ergo  tempus  diuturnam  moram  significat,  tempora  autem  quasi  duplicem,  ac  si  diceret,  Ubi  diu  spem  suam  filii  Dei  suspensam  tenuerint,  tamen  nondum  compotes  erunt  suorum  votorum,  quia  prorogabitur  illis  tempus,  imo  duplicabitur.  Videmus  ergo  tempus  non  accipi  praecise  pro  anno  uno,  neque  tempora  pro  duobus  annis,  sed  notari  diuturnitatem.  Quantum  attinet  ad  dimidium  temporis,  hoc  additur  ad  solatium  piorum,  nempe  ne  frangantur  taedio,  quamvis  Deus  non  statim  expleat  ipsorum  desiderium,  sed  patienter  quiescant,  donec  effluxerit  tempus,  et  effluxerint  etiam  tempora.  Caeterum  per  dimidium  temporis  proponitur  illis  exitus,  ne  prorsus  desperent  propter  longitudinem  morae.  Est  quidem  allusio,  ut  statim  dicam,  ad  annos,  sed  tamen  sciendum  est,  non  praescribi  hic  tres  annos  duntaxat  cum  dimidio,  sed  metaphorice  accipi,  quemadmodum  iam  dixi,  triennium  cum  dimidio  anno,  pro  diuturno  tempore.  Postea  adiungit,  M  in  complemento,  vel  consumptione  dispersionis,  vel  contritionis  manus  populi  Dei  complebuntur  omnia  haec,  id  est,  necesse  est  ut  praetereat  tempus,  deinde  accedant  tempora,  donec  sequatur  dimidium  temporis,  dum  haec  omnia  ad  effectum  suum  perveniant,  idque  dum  completur,  inquit,  vel  dum  finitur  contritio  manus  populi  sandi.  Iterum  angelus  commemorat,  ecclesiam  Dei  fore  constrictam  multis  malis,  et  ideo  totus  hic  versus  continet  exhortationem  ad  tolerantiam,  ne  fideles  spem  suam  abiiciant,  vel  ne  languescant  ipsorum  animi,  etiamsi  graves  et  multiplices  aerumnae  ferendae  sint,  neque  id  paucis  tantum  mensibus,  sed  diuturno  temporis  tractu.  Vocat  contritionem  manus  populi  sancti,  si  ita  legere  placeat,  metaphorice,  quasi  diceret,  nullas  fore  vires  populo  sancto,  perinde  ac  si  manus  essent  illis  contritae.  Scimus  enim  si  quid  est  in  homine  agilitatis,  perspici  in  manu,  et  etiam  manus  in  hunc  usum  datae  fuerunt  homini  a  Deo,  ut  sese  extendant  per  omnes  corporis  partes,  et  exsequantur  etiam  quidquid  agitur  fere  ab  homine.  Nunc  ergo  metaphora  optime  quadrat,  quasi  diceret  mutilum  fore  populum,  ita  ut  nullae  vires,  nullus  vigor  suppetat.  Haec  summa  est.  Si  dispersionem  legimus,  quemadmodum  communis  est  significatio,  non  male  etiam  conveniet,  quod  dispersa  erit  manus  populi  sancti,  hoc  est,