20:297  297  1564  APRIL.  29&  calamitas,  Calvini  inquam  nostri  deplorata  valetudo,  magis  ac  magis  nos  torquet,  et  rogo  te,  mi  pater,  cum  collegis  omnibus,  ut  quod  facitis  porro  faciatis,  id  est,  ut  et  fidelem  Dei  servum  Domino  suo  et  totam  hanc  ecclesiam  fideli  illi  custodi  animarum  nostrarum  serio  commendetis.  Caeterum  vehementer  a  me  petierunt  Itali  fratres  Lugdunensis  ecclesiae  2)  ut  ad  te  de  impetrando  Zancho8)  nostro  nonnihil  scriberem.  Ego,  ut  tibi  fatear  quod  res  est,  quoniam  in  his  maxime  rebus  libera  suffragia  et  iudicia  esse  oportet,  libens  ab  hoc  scribendi  argumento  abstinuissem.  Tantum  igitur  hoc  dico,  si  fieri  possit  ut  ille  Lugdunensibus  concedatur,  magnam  spem  esse  fructuosissimum  fore  ipsius  adventum.  Est  enim  urbs  illa  velut  altera  Corinthus,  in  quam  videmus  multos  etiam  ex  iis  confluere  quorum  irrequieta  ingenia  ferre  nostra  haec  ecclesia  nec  potuit  nec  debuit.  Istos  igitur  certum  est,  eo  praesertim  in  loco  ubi  illis  modo  in  hanc  modo  in  illam  partem  inclinare  impune  licebit,  multa  ausuros  inter  suos  conterraneos,  quibus  omnibus  utinam  semper  placeret  simplicitas.  Quod  nisi  opponatur  illis  quispiam  qui  et  autoritate  et  argumentis  possit  statim  curiosos  compescere,  non  frustra  metuimus,  ne  eo  facile  evadat  malorum  audacia  ut  boni  etiam  periclitentur.  De  Italis  loquor:  nam  quod  ad  nostrates  attinet,  quamvis  homines  sint,  puto  tamen  Dei  beneficio  ita  illis  esse  prospectum  ut  sperem  omnino  sartam  tectam  inter  eos  fore  Christi  veritatem,  quidquid  Satan  moliatur.  Sed  de  his  satis.  Nec  enim  dubito  quin,  quod  iustum  erit  et  ex  usu  ecclesiae,  tibi  suggerat  Dominus,  et  Rhaeticarum  ecclesiarum  fratribus,  ipsique  adeo  Zancho  nostro,  de  cuius  egregia  voluntate  non  dubito.  Bene  vale,  mi  pater.  Dominus  Iesus  et  te  et  collegas,  fratres  mihi  plurimum  observandos,  servet  et  nostris  omnium  laboribus  benedicat.  Brentianum  scriptum4)  ne  aspicere  quidem  sustineo  quin  nauseam  moveat.  Alioqui  rectius  valeo  quam  nuper,  quamvis  supersint  asthmatis  reliquiae.  Iterum  vale.  Genevae  22.  Aprilis.  Tuus  Beza.  2)  Lugduni  plurimi  eius  gentis  sedebant  negotiatores,,  maxime  sericarii  iique  evangelium  profitentes,  inter  quos  eminebant  Burlamacchi,  Micheli,  Turretini,  Arnolfini,  Calandrini.  Cf.  Eynard,  Lucques  et  les  Burlamacchi,  Paris  1848,  p.  189.  E.  Masi,  i  Buriamacchi.  Bol  1876,  p.  92.  3)  Iam  vergente  a.  1561  vel  ineunte  1562  a  Lugdunensibus  frustra  vocatus  fuerat.  (Opp.  VIII.  175.)  Iterum  versus  finem  a.  1563  (ib.  174)  et  denuo  d.  7.  April  1564.  Quum  pestis  eo  tempore  saeviret  in  Bhaetia  eum  facilius  venturum  credebant  y  sed  ea  potissimum  de  causa  recusavit  (Schmidt  in  Studien  1859,  p.  676.  cf.  N.  4040.)  4)  N.  4095.