9:296  sui  corda,  aut  tandem  cede  locum  clarae  et  indubiae  veritati,  pseudoprophetas  Dei  instrumenta  esse  ad  examen  illud,  cuius  autor  vult  agnosci.  Clarius  vero  per  Ezechielem:  Si  propheta  deceptus  quidquam  protulerit,  ego  Deus  prophetam  illum  decepi,  et  manus  mea  super  eum  (Ezech.  14,  9).  Tu  nos  solo  permissu  contentos  esse  iubes:  voluntatem  suam  et  manum  Deus  in  causa  esse  asserit.  Nunc  vide  uter  fide  dignior  testis,  Deus  per  spiritum  suum,  unicum  sapientiae  fontem,  de  se  loquens,  an  tu  de  incognitis  eius  mysteriis  ex  insipido  carnis  tuae  sensu  garriens.  Quid?  ubi  Deus  Satanam  vindictae  suae  ministrum  accersit,  et  dat  apertum  fallendi  mandatum",  an  hoc  nihil  differt  a  solo  permissu?  Vox  Dei  est  minime  ambigua  :  Quis  nobis  decipiet  Achab?  nec  obscure  Satanae  imperat:  Vade,  et  sis  spiritus  mendax  in  ore  omnium  prophetarum  (1  Reg.  22,  20.  21).  Scire  [pag.  56]  etiam  velim  an  idem  sit  facere  quod  permittere.  Quia  David  clam  aliena  uxore  abusus  fuerat,  pronunciat  Deus  se  facturum  ut  eius  uxores  ad  probrum  simile  palam  in  solis  conspectu  trahantur  (2  Sam.  12,  ll).  Non  dicit:  Patiar  fieri,  sed  :  Faciam.  Tu  ut  fallaci  tuo  patrocinio  eum  adiuves,  permissionem  obtendis.  Longe  aliter  David  ipse,  qui  horribile  Dei  iudicium  secum  reputans,  exclamat:  Obmutesco,  quia  tu  fecisti.  Sic  etiam  Iob  Deum  benedicens,  non  tantum  eius  permissu  spoliatum  se  fatetur  a  praedonibus,  sed  clare  affirmat  Deum  abstulisse  quod  dederat  (Iob  1,  21).  Si  eadem  in  dando  et  accipiendo  ratio  est,  te  autore,  non  essent  opes  Dei  beneficia,  sed  Dei  permissu  temere  ad  nos  fluerent.  Quod  si  tu  cum  putrida  tua  cohorte  obstrepere  non  desinis,  se  ipsum  tamen  iustificabit  Deus.  Nos  vero  mysteria  quae  longe  captum  nostrum  superant,  reverenter  adorabimus,  donec  eorum  affulgeat  plena  cognitio,  ubi  [pag.  57]  facie  ad  faciem  videbitur  qui  nunc  non  nisi  in  speculo  cerni  potest.  Tunc,  inquit  Augustinus,1)  in  clarissima  luce  sapientiae  videbitur  quod  piorum  fides  habet,  quam  certa  et  immutabilis,  et  efficacissima  sit  voluntas  Dei,  quam  multa  possit  et  non  velit:  nihil  autem  velit  quod  non  possit.  De  praesenti  autem  articulo  ex  ore  eiusdem  pii  scriptoris  tibi  respondeo  :2)  Haec  sunt  magna  opera  Domini,  exquisita  in  omnes  voluntates  eius,  et  tam  sapienter  exquisita,  ut  quum  angelica  et  humana  creatura  peccasset,  id  est,  non  quod  ille,  sed  quod  voluit  ipsa  fecisset,  etiam  per  eandem  creaturae  voluntatem,  qua  factum  est  quod  creator  noluit,  impleret  ipse  quod  voluit:  bene  utens  et  malis,  tanquam  summe  bonus,  ad  eorum  damnationem  quos  iuste  praedesti-  1)  Ench.  ad  Laurentium,  cap.  95.  2)  Eiusdem  lib.  cap.  100.