8:296  causas  in  reprobanda  hominum  parte,  sed  nobis  absconditas:  nihil  autem  in  homine  oderit  ac  damnet,  nisi  a  iustitia  sua  alienum.  Attexit  et  illud  Pauli:  Deum  clausisse  omnia  sub  peccato,  ut  omnium  misereatur  (Rom.  l  l  ,  32;  Gal.  3,  22).  Ac  si  Paulus  illic  de  hominum  numero  disputaret:  non  autem  potius  simplicem  gratiae  commendationem  poneret  erga  eos  omnes  qui  ad  salutem  perveniunt.  Nihil  certe  illi  minus  propositum  fuit,  quam  Dei  misericordiam  ad  omnes  extendere:  sed  tantum  omnem  carnis  gloriationem  prosternere  voluit:  ut  sciamus  neminem  fore  salvum,  nisi  quem  mera  gratia  Deus  servaverit.  En  quibus  argumentis  nullos  prae  aliis  divinitus  ad  salutem  fuisse  electos  demonstret,  quin  in  singulis  capitum  titulis  plus  quam  inepte  pro  Euclidis  simia  se  venditat.l)  Tertium  finem,  qui  satis  clare  et  diserte  [pag.  82]  illo  Solomonis  loco  exprimitur,  quod  propter  se  Deus  omnia  creavit,  etiam  impium  ad  diem  malum  (Prov.  16,4),  hac  ratione  impugnat:  Quod  si  Deum  respexisse  dicimus,  quid  cuique  futurum  esset,  simul  necesse  erit  fateri  discretionem  inter  electos  ac  reprobos  priorem  fuisse  hominis  lapsu,  in  mente  divina.  Unde  sequetur,  non  damnari  reprobos,  quia  perditi  fuerint  in  Adam,  sed  quia  ante  lapsum  Adae  iam  exitio  devoti  erant.  Respondeo,  nihil  mirum  esse,  si  tam  indiscriminate  (ut  eius  verbis  utar)  omnia  miscet  Pighius  in  Dei  iudiciis,  quando  inter  causas  propinquas  et  remotas  non  discernit.  Postquam  huc  illuc  circumspexerint  homines,  quo  tamen  interitus  sui  culpam  transferant,  non  invenient:  quia  proxima  in  ipsis  causa  residet.  Nam  si  aliunde  inflictum  sibi  vulnus  querantur,  interior  animi  sensus  constrictos  tenebit,  ex  voluntaria  primi  hominis  defectione  exortum  fuisse  malum.  Scio  non  posse  carnis  proterviam  compesci,  quin  hic  protinus  obstrepat:  2)  Si  Adae  casum  praescivit  Deus,  nec  remedium  adhibere  voluit,  nos  ex  aeterno  eius  decreto  perire  innoxios  magis,  quam  iustas  peccati  poenas  dare.  Verum,  ut  demus  nihil  tale  fuisse  a  Deo  praevisum,  eadem  nihilominus  de  peccato  originali  querimonia  manebit.  Obiiciet  enim  Deo  impietas:  Cur  non  sibi  privatim,  ut  solus  damnum  sentiret,  peccavit  [pag.  83]  Adam?  Cur  nos,  qui  nihil  meriti  eramus,  in  eiusdem  cladis  societatem  involvit?  Imo,  quo  iure  alienae  culpae  poenam  in  nos  Deus  traiecit?  Sed  enim  ubi  omnia  dicta  fuerint,  singulos  interior  cordis  sensus  urgere  non  desinet,  qui  neminem,  vel  se  iudice,  patitur  absolvi.  Nec  vero  controversiam  de  eo  quisquam  facit.  Nam  quum,  ob  unius  hominis  peccatum,  inflictum  omnibus  fuerit  lethale  vulnus:  rectum  Dei  iudicium  omnes  agnoscunt.  Si  nihil  obstat,  quominus  et  prima  1)  Haec  absunt  a  gallico.  2)  Add.  comme  ce  blaspheme  est  par  trop  ordinaire.