7:296  illis  redire  in  gratiam.  Pii  fratres,  quanquam  nihil  aut  minimum  bonae  spei  habebant  de  homine,  quem  iam  experti  erant  tam  sceleratum  et  impium,  tamen  ne  viderentur  nimium  morosi  ac  rigidi,  si  periculum  facere  recusarent,  locum  et  diem  condicunt  colloquio,  [pag.  8]  Summa  porro  colloquii  fuit,  quod  fratres  de  illis  immanibus  calumniis,  quibus  immerito  ab  eo  gravati  fuerant,  modeste  quidem,  sed  tamen  severe  cum  eo  expostularent.  Quaesitum  est  an  vocem  unquam  audiisset  in  eorum  concionibus  quos  accusabat,  quae  arianismi  ipsos  suspectos  redderet,  aut  sabellianismi.  Negavit  se  audiisse,  sed  solis  certorum  hominum  delationibus  se  fuisse  commotum  ut  eam  accusationem  instrueret,  nune  vero  se  melius  intelligere  mentem  fratrum,  ac  ideo  sinistras  omnes  suspiciones  deposuisse.  Quid  enim?  dicebat:  an  me  censetis  huc  ad  vos  fuisse  reversurum,  si  vos  pro  haereticis  haberem?  Actum  est  etiam  de  abiuratione  quae  in  bulla  romani  antichristi  continebatur,  et  de  conviciis,  quibus  ille  fratres  asperserat.  Asseruit,  tametsi  bullam  confici  postulasset,  fuisse  tamen  multa  in  eam  congesta  se  inscio  vel  invito.  Ne  tamen  hanc  infamiam  subiret,  quasi  nulla  causa  vel  saltem  nulla  occasione  impulsus  ad  antichristum  defecisset,  causatus  est  se  fuisse  offensum  una  loquendi  formula,  quae  in  confessione  genevensis  ecclesiae  habebatur:  nempe  Christum  esse  aeternum  Deum,  qui  a  se  ipso  essentiam  haberet;  sed  addebat  audita  commoda  explicatione  se  acquievisse,  nec  amplius  sibi  ullam  controversiam  esse  cum  fratribus  quin  agnosceret  ministerium  eorum  sanctum  esse  et  Deo  probatum,  semperque  fuisse,  et  quin  paratus  esset  id  [pag.  9]  apud  omnes  palam  confiteri.  Tametsi  autem  magna  erat  improbitas,  praetextum  illum  obtendere,  quando  simulatque  dubitationem  illam  moverat,  solutus  fuerat  illi  nodus,  tamen  fratres  ignoscere  maluerunt  quam  rigidius  eum  persequi.  Ventum  est  deinde  ad  contumelias  quibus  evangelium  omnesque  eius  ministros  tam  Soloduci  1)  quam  in  Gallia  post  reditum  prosciderat.  Petiit  ut  illud  totum  locorum  vitio  imputaretur.  Addidit  tamen  se,  quoad  licitum  fuisset,  semper  hunc  scopum  spectasse  ut  a  pura  evangelii  doctrina  quam  minimum  recederet;  quin  etiam  se  iterum  e  Gallia  ideo  fuisse  pulsum  quod  doctrinam,  quam  fratres  profiterentur  damnare  nollet.  Postremo  admonitus  fuit  de  perfidia,  quam  in  uxorem  admiserat,  quum  eam  repudiaret,  ac  simul  de  exsecranda  blasphemia  qua  sacrum  coniugium  in  bulla  affecerat,  quum  negaret  sacerdotibus  permissum  esse.  Respondit  neutrum  istorum  sibi  unquam  venisse  in  mentem;  sed  quae  de  hac  re  in  bulla  habebantur,  ab  officiali  lugdunensi  supposita  1)  Sic  in  impresso,  sed  sine  dubio  legendum:  Soloduri.