52:296  cere?  Semper  itaque  nobis  in  mentem  veniat,  .^9  qui  creavit,  liberum  quoque  usum  fecisse,  quem  frustra  impedire  conantur  homines.  Creavit,  inquam,  cibos  Deus  ad  p  e  r  c  i  p  i  e  n  d  u  m  :  hoc  est  ut  illis  fruamur.  Hunc  finem  evertere  nunquam  poterit  humana  autoritas.  Addit  autem,  cum  g  r  a  t  i  a  r  um  a  c  t  i  o  n  e  :  quia  nihil  Deo  pro  sua  liberalitate  rependere  possumus,  quam  gratitudinis  testimonium.  Atque  ita  maiore  odio  gravat  impios  legislatores,  qui  sacrificium  landis,  quod  Deus  in  primis  postulat  sibi  offerri,  novis  et  abortivis  edictis  impediunt.  Porro  non  potest  esse  gratiarum  actio  sine  sobrietate  et  temperantia:  neque  enim  Dei  beneficentiam  vere  agnoscit  qui  ea  perperam  abutitur.  Fidelibus  et  iis  qui  cognoverunt.  Quid  ergo?  Annon  solem  suum  quotidie  oriri  facit  Deus  super  bonos  et  malos?  Annon  eius  iussu  terra  impiis  panem  producit?  annon  eius  benedictione  etiam  pessimi  aluntur?  Est  enim  universale  illud  beneficium,  quod  David  Psal.  104,  14  decantat.  Respondeo,  Paulum  de  usu  licito  hic  agere,  cuius  ratio  coram  Deo  nobis  constat.  Huius  minime  compotes  sunt  impii,  propter  impuram  conscientiam  quae  omnia  contaminat:  quemadmodum  habetur  ad  Titum  capite  1,  15.  Et  sane,  proprie  loquendo,  solis  filiis  suis  Deus  totum  mundum  et  quidquid  in  mundo  est  destinavit.  Qua  ratione  etiam  vocantur  mundi  haeredes.  Nam  hac  conditione  constitutus  initio  fuerat  Adam  omnium  dominus,  ut  sub  Dei  obedientia  maneret.  Proinde  rebellio  adversus  Deum  iure,  quod  illi  collatum  fuerat,  ipsum  una  cum  posteris  spoliavit.  Quoniam  autem  subiecta  sunt  Christo  omnia,  eius  beneficio  in  integrum  restituimur,  idque  per  fidem.  Quare  veluti  alienum  furantur  aut  praedantur  infideles  quodcunque  usurpant.  Posteriore  membro  definit  quos  vocet  fideles,  nempe  qui  notitiam  habent  sanae  doctrinae.  Neque  enim  fidesy  nisi  ex  verbo  Dei:  ne  falso  putemus  confusam  esse  opinionem,  quemadmodum  fingunt  papistae.  4.  Quia  omnis  creatura.  Ciborum  usus  aestimari  debet  partim  ex  illorum  substantia,  partim  ex  eius  persona  qui  vescitur.  Utroque  igitur  argumento  pugnat  apostolus.  Nam  quod  ad  cibos  attinet,  puros  esse  asserit,  quia  sint  a  Deo  conditi  :  consecrari  vero  nobis  illorum  usum  fide  et  precatione.  Bonitas  creaturarum,  cuius  meminit,  relationem  habet  ad  homines:  et  eam  quidem  non  ad  corpus  aut  valetudinem,  sed  ad  conscientias.  Ne  quis  scrupulose  extra  loci  circumstantiam  philosophetur.  Nam  uno  verbo  significat  Paulus,  non  esse  immunda  nobis  coram  Deo  vel  polluta  quaecunque  ex  Dei  manu  proveniunt  et  nobis  in  usum  destinantur,  quin  illis  vesci,  quoad  conscientiam,  liceat.  Si  quis  obiiciat,  multa  animalia  olim  pronuntiata  fuisse  immunda  in  lege:  et  fructum,  quem  arbor  scientiae  boni  et  mali  proferebat,  exitialem  homini  fuisse: