51:296  nous  sommes  reunis  avec  les  Anges  de  paradis  par  nostre  Seigneur  Iesus  Christ.  Et  voila  pourquoy  aussi  il  disoit,  D'ores  en  avant  vous  verrez  les  cieux  ouvers,  et  le  Fils  de  l'homme  descendre  en  sa  maieste  avec  ses  Anges.  Par  cela  U  monstre  que  le  ciel  nous  estoit  clos,  et  que  nous  n'estions  pas  dignes  aussi  que  Dieu  nous  fist  sentir  nulle  grace:  mais  maintenant  qu'il  nous  est  apparu  pour  nostre  chef,  et  qu'il  a  fait  l'appointement  de  son  Pere  avec  nous,  et  qu'il  a  l'office  de  Mediateur,  et  qu'il  n'est  pas  seulement  chef  des  fideles  mais  des  Anges:  ii  nous  a  recueillis  tous  ensemble,  en  sorte  qu'au  lieu  que  les  diables  nous  font  la  guerre  et  ne  cessent  de  machiner  nostre  ruine,  les  Anges  sont  armez  d'une  puissance  infinie  pour  nous  maintenir.  Et  combien  que  nous  ne  les  appercevions  pas  a  l'oeil,  si  faut-il  que  nous  ayons  cela  tout  persuade,  qu'ils  veillent  pour  nostre  salut.  Et  autrement  que  seroit-  ce?  Car  nous  scavons  que  le  diable  est  comme  un  lion  rugissant  et  ne  cerche  qu'a  nous  devorer:  nous  voyons  combien  d'astuces  il  a  pour  nous  circonvenir.  Il  faut  bien  donc  que  les  Anges  de  Dieu  ayent  une  puissance  infinie  pour  maintenir  nostre  salut.  Il  faut  aussi  que  nous  soyons  conservez  sous  la  protection  de  nostre  Seigneur  Iesus  Christ,  qui  est  leur  chef  et  le  nostre.  Voila  en  somme  ce  que  S.  Paul  nous  a  voulu  declarer  en  ce  passage,  quand  il  dit  que  nous  avons  este  recueillis,  a  cause  qu'auparavant  nous  estions  dissipez:  et  non  seulement  nous  qui  avons  este  reconciliez  a  Dieu  par  la  mort  et  passion  de  nostre  Seigneur  Iesus  Christ,  mais  aussi  que  nous  sommes  maintenant  conioints  avec  les  Anges,  et  qu'ils  sont  nos  freres  et  compagnons,  et  que  mesmes  Dieu  leur  a  ordonne  ceste  charge  de  nous  guider  et  nous  maintenir  par  toutes  nos  voyes,  et  de  veiller  sur  nous,  d'estre  en  combat  assiduel  pour  resister  a  tous  les  ennemis  qui  nous  font  la  guerre,  iusques  a  ce  que  nous  soyons  recueillis  tous  ensemble  au  repos  des  cieux.  Or  nous-nous  prosternerons  devant  la  maieste  de  nostre  bon  Dieu  etc.  CINQUIEME  SERMON.  Chap.  I,  v.  13.14.  Nous  avons  veu  par  ci  devant  comme  sainct  Paul  a  declaire  qu'il  n'y  avoit  autre  fondement  de  nostre  salut  que  la  bonte  gratuite  de  Dieu,  et  qu'il  ne  nous  faut  point  cercher  ailleurs  la  cause  pourquoy  il  choisit  l'un  et  reiette  l'autre.  Car  il  nous  faut  contenter  de  sa  pure  volonte,  de  son  conseil  et  de  son  decret  immuable.  Et  quiconque  passe  outre,  il  faudra  qu'il  trebusche  par  sa  temerite  en