50:296  en  nous,  comme  c'est  bien  la  raison.  Et  voila  comme  aussi  sainct  Paul  en  parle  au  troisieme  chapitre  des  Homains:  d'autant  que  Dieu  nous  a  donne  ce  moyen  en  nostre  Seigneur  Iesus  Christ,  que  nous  le  trouvons  propice  quand  il  nous  a  pardonne  nos  pechez,  et  puis  qu'il  a  envoye  l'Evangile  a  fin  que  nous  fussions  mis  en  possession  de  ce  bien-la,  aussi  que  c'est  a  fin  qu'il  apparoisse  luy  seul  iuste,  et  qu'il  soit  glorifie,  que  nous  luy  rendions  toute  louange,  cognoissans  que  nous  tenons  tout  de  luy.  Or  cependant  Dieu  n'est  pas  seulement  glorifie  en  tant  que  nous  confessons  de  bouche  qu'il  est  autheur  de  nostre  salut,  et  qu'il  procede  de  luy  seul  et  de  sa  pure  bonte  et  gratuite:  mais  quand  nous  sommes  renouvelez  par  son  sainct  Esprit,  et  que  son  image  reluit  en  nous,  et  que  nous  taschons  de  nous  dedier  a  son  service.  Il  est  dit  que  Dieu  ne  nous  a  point  appelez  a  immondicite  ni  a  ordure,  mais  qu'il  nous  veut  sanctifier  a  soy.  Or  puis  qu'ainsi  est  donc,  cc  n'est  point  sans  cause  que  sainct  Paul  adiouste  ici  que  Iesus  Christ  nous  a  delivrez  du  siecle  mauvais,  qu'il  s'est  offert  pour  nous,  et  qu'il  a  efface  la  memoire  de  nos  pechez  devant  Dieu  son  Pere,  que  c'est  a  fin  que  nous  ne  demeurions  pas  plongez  en  nos  ordures  et  pollutions:  mais  que  nous  soyons  comme  separez  de  ce  monde,  a  fin  d'estre  l'heritage  de  Dieu,  et  que  toute  nostre  vie  se  rapporte  a  une  telle  obeissance,  qu'on  appercoive  que  si  tost  qu'il  nous  a  adoptez  pour  ses  enfans,  nous  l'avons  aussi  aime  et  honore  comme  nostre  Pere.  Or  cependant  voici  bien  ou  il  nous  faut  baisser  les  yeux,  quand  il  est  dit  qu'il  nous  faut  estre  retirez  du  siecle  mauvais:  car  sous  ce  mot  de  Siecle  et  de  Monde  est  comprins  tout  ce  qui  est  des  hommes  en  leur  naturel.  Le  monde  de  soy  n'a  pas  de  vice  ni  de  corruption,  mais  tout  le  mal  procede  du  peche  qui  habite  en  nous.  Ainsi  donc,  quand  il  est  dit  que  ce  monde  est  mauvais  (comme  aussi  sainct  Iean  en  parle  en  sa  Canonique),  que  tout  ce  monde-ci  est  confit  et  plonge  en  malice,  cela  n'est  pas  ni  au  soleil,  ni  a  la  lune,  ni  en  la  terre,  ni  es  eaux,  ni  en  tout  ce  qui  y  est  contenu:  mais  c'est  que  nous  sommes  tellement  pervertis,  que  nous  avons  infecte  de  nostre  pollution  tout  ce  qui  est  ici  bas:  et  cependant  que  les  hommes  demeurent  en  eux-mesmes  et  en  leur  naturel,  qu'ils  ne  sont  que  pourriture,  qu'il  faut  qu'ils  desplaisent  necessairement  a  Dieu.  Car  il  est  certain  qu'il  n'y  peut  avoir  accord  entre  la  iustice  et  l'iniquite.  Or  est-il  ainsi  qu'il  ne  se  trouvera  en  nous  qu'iniquite.  Il  faut  donc  que  nous  soyons  retirez  de  nous-mesmes,  ou  iamais  nous  ne  pourrons  approcher  de  Dieu.  Que  sera-ce  donc  maintenant  de  tous  ces  poures  aveugles  qui  se  font  a  croire  merveilles  de  leur  franc-arbitre  et  de  leurs  vertus,  et  de  leur  sagesse  et  de  ceci  et  de  cela?  Comme  nous  voyons