15:296  in  coelesti  solo,  per  Elysios  campos  perque  coelum  empyreum  sententiarum  solidarum  et  certissimarum  de  coena  Domini  spatiabimus.  2036.  BULLINGERUS  CALVINO.  Mittit  ei  Turicensium  iudicia  et  annotationes,  praesertim  Bibliandri,  huiusque  tabulam,  omnia  ad  Defensionem  Consensus  pertinentia.  (Ex  autographo  Areli.  Turic.  Plut.  VI.  Vol,  129,  olim  Seriis  B.  Epp.  Tom.  30,  fol.  300.  .  Simler.  Vol.  83.)  S.  D.  Brevitate  temporis  exclusus  et  mole  negotiorum  oppressus  afflictaque  valetudine  debilitatus  non  possum  omnia  quae  volo  tecum  conferre.  Ex  paucis  ergo,  pro  tua  prudentia,  existimabis  reliqua.  Magnam  iniisti  gratiam  apud  omnes  nostros  scripta  responsione.  Agnoscimus  omnes  nos  tibi  multum  debere.  Et  quidem  pro  illa  nostra  in  te  fiducia  bona  mittimus  ad  te  cogitationes  nostras,  orantes  ut  boni  consulas.  Sincero  enim  animo  scribimus  haec  quae  vides.  Maiorem  partem  ego  ex  sententia  quum  mea  tum  aliorum  exaravi.  Eadem  est  enim  omnium  nostrum  sententia.  Iuvit  me  D.  Theodorus1)  ex  communi  quoque  sententia  scribens  quae  vides  eius  manu  exarata.  Ita  vero  festinavimus  ut  non  licuerit  describere.  Valde  ergo  te  oro,  mi  domine  et  frater,  ut  postquam  eo  scripto  usus  fueris  remittas.  Placeret  hanc  tabulam  manu  Theodori  exaratam  et  alias  (si  ita  tibi  videatur)  praefigere  declarationi  nostrae  Consensionis,  mox  post  epistolam  ad  ministros  ecclesiarum  Helveticarum  ,  nisi  alius  tibi  videatur  locus  opportunior.2)  Forte  sub  finem,  post  expositionem  verborum  Domini.  Vides,  mi  frater,  nos  ex  animo  operam  nostram  tibi  coniungere.  Tu  vide  ne  diu  differas,  sed  omnia  parata  mature  remittas.  Conabimur  apud  Bernenses3)  primum,  deinde  apud  alias  ecclesias  fideliter  agere.  Fortassis,  quum  pro  sententia  nostra  responderint,  tibi  partes  dabuntur  agendi  cum  tuis  et  vicinis.  Metuimus  Basilienses.4)  Si  qui  tamen  se  separaverint  consultabimus  in  commune,  ne  2036.1)  Bibliander.  2)  Calvinus  eam  non  recepit.  3)  Quod  tamen  non  fecerunt  ei  Defensio  edita  est  ut  privatum  Calvini  opus.  4)  quia  iam  ante  Myconius  aegre  tulerat  se  in  illo  negotio  praeteritum  fuisse.