9:295  295  RESPONSIO  ALTERA  296  cunque  vult:  et  si  nolens  concessit,  a  Satana  fuisse  in  certamine  superatum  dices:  ac  tibi  cum  Manichaeis  duo  erunt  principia.  Paulus  quoque  hanc  agens  causam,  non  temere  Deum  figulo  comparat,  cui  liberum  fuit  ex  eadem  massa  quam  voluit  vasorum  diversitatem  fingere.  Poterat  certe  incipere  a  peccato:  non  facit,  sed  in  opificio  ipso  liberum  Dei  ius  et  imperium  defendit  Ubi  vero  subiicit,  omnes  sub  incredulitatem  fuisse  inclusos,  an  Deo  invito  id  contigisse  docet,  ac  non  potius  eo  autore?  Si  excipias,  damnatos  omnes  fuisse  incredulitatis  ut  digni  erant:  neque  id  contextus  patitur,  quia  disserit  Paulus  de  arcanis  Dei  iudiciis,  et  exclamatio  illa  repugnat:  O  altitudo,  ete.  Ergo  sicuti  Christum  ab  initio  praedestinavit,  qui  perditis  succurreret,  ita  inaestimabili  suo  consilio  statuit,  quomodo  illustraret  gloriam  suam  ex  lapsu  Adae.  [pag.  53]  Fateor  quidem,  ubi  liberum  suae  misericordiae  cursum  vendicat,  de  humano  genere  loqui,  quod  iam  in  Adam  perierat:  sed  eadem  semper  valuit  ratio  ante  lapsum  Adae,  ut  sua  ei  voluntas  ad  miserendum  sufficiat,  ubi  ita  visum  est.  Voluntas  porro  haec  etsi  neque  aliunde  pendet,  nec  aliam  habet  priorem  causam,  in  optima  tamen  ratione,  summaque  aequitate  fundata  est.  Nam  quum  legis  fraeno  indigeat  hominum  intemperies,  alia  est  Dei  ratio,  qui  sibi  ipse  lex  est,  et  cuius  voluntas  regula  est  optimae  rectitudinis.  III.  Tertius  articulus  non  minus  prodit  quam  te  cupide  pascas  foetidis  calumniis.  Si  meam  doctrinam  arrodere  libet,  cur  non  saltem  mea  dicta  ingenue  recitas?  In  causa  quae  nunc  agitur,  discrimen  permissionis  et  voluntatis  frivolum  esse  dico.  Tu  lepidam,  ut  quidem  putas,  argutiam,  sed  re  vera  evanidum  sophisma  opponis:  [pag.  54]  Si  volente  Deo  fiunt  omnia,  ipsum  velle  pugnantia,  quia  me  diaboli  prophetam  esse  dicitis,  ego  vero  fidelem  eius  servum  me  esse  affirmo.  Tibi  quidem  haec  species  repugnantiae  oculos  perstringit:  at  vero  Deus  ipse,  qui  apud  se  novit  quomodo  idem  velit  et  nolit  fieri,  tuam  hebetudinem  nihil  moratur.  Quoties  excitavit  veros  prophetas,  voluit  certe  acriter  eos  et  strenue  pugnare  pro  asserenda  legis  doctrina:  suborti  sunt  falsi  prophetae,  qui  eam  evertere  studerent:  conflictum  inter  ipsos  esse  oportuit:  non  tamen  conflixit  secum  Deus,  qui  utrosque  excitavit.  Tu  mihi  eius  tolerantiam  obtrudis:  reclamat  aperte  nullos  surgere  pseudoprophetas,  nisi  quos  ipse  vel  ad  probandam  suorum  fidem,  vel  ad  excaecandos  incredulos  destinat.  Si  surrexerit  pseudopropheta  inter  vos,  inquit  Moses,  tentat  vos  Deus  vester  (Deut.  13,  1).  Tu  alienissimo  commento  alio  transfers  quod  Moses  Deo  non  temere  ascribit.  Aut  nega  [pag.  55]  proprium  Dei  esse  munus,  examinare  populi