7:295  295  ADVERSUS  P.  CAROLI  296  tamen  qui  micam  rectae  intelligentiae  habent,  agnoscunt  hominem  barbarum  prorsus  et  indoctum  solaque  audacia  instructum,  nisi  forte  quis  argutiolas,  quibus  ludere  cum  aliqua  ingenii  specie  solet,  ac  sophisticae  theologiae  mediocrem  usum  verae  ac  liberalis  doctrinae  loco  habet.  Sed  ego  inscitia  ipsum  tam  audacem  reddi  existimo:  quod  etiam  evenire  perpetuo  solet,  et  veteri  proverbio  notatum  est.  Proinde  non  sum  facturus  quod  multi,  ut  mihi  veniam  dari  postulem,  quod  arduam  diffieilemque  provinciam  susceperim.  Non  enim  aliud  hic  esse  meum  institutum  profiteor,  quam  ut  simpliciter  et  absque  fuco  narrem  quae  ad  causam  Caroli^  pertinent,  narrationem  confirmem  perspicuis  et  firmis  testimoniis,  postea,  quasi  defunctus,  iudicium  lectoribus  permittam.  Quoniam  autem  Carolus  in  praefatione  sua  meminit  qualiter  Avenione  migraverit  in  Lotharingiam  et  simul  profectionis  suae  causam  exponit,  initio  autem  libri  suum  in  Sabaudiam  adventum  refert,  et  ordinem  suorum  gestorum  prosequitur,  donec  ordinatus  fuit  Lausannae  minister,  postea  venit  ad  commentitiam  disputationem  illam  de  trinitate,  in  qua  Calvinum  inducit  loquentem  pro  suo  arbitrio,  et  monstra  oppugnat  quae  ipse  fabricatus  est,  tandem  multa  [pag.  7]  commemorat  in  quibus  dissenserit  a  Farello  et  aliis,  idque  ut  magistris  nostris  gratificetur,  ego  quoque  hanc  responsionem  in  quatuor  membra  partiar:  primo  quidem  describam  iter  illud,  sed  longe  alio  modo  quam  fecit;  altero,  res  eius  gestas  inter  id  tempus  paucis  verbis  patefaciam;  tertio,  quaestionem  de  trinitate  ab  eo  agitatam  tractabo;  quarto,  reliquam  farraginem  breviter  expediam:  sic  tamen  ut  appareat  quanta  mentiendi  licentia  ipse  in  scripto  suo  abusus  sit.  Ac  primo  quidem  hoc  risu  dignum  est  quod  a  Molendino  Sadoleti  Iametium1)  usque  uno  saltu  transvolat;  hoc  autein  frontis  penitus  ferreae,  quod  istud  sibi  consilium  migrandi  fuisse  testatur,  ut  ad  ducem  Lotharingiae  veniret,  a  quo  fuerat  invitatus.  Nec  minus  ridiculum,  quod  se  cum  Sadoleto  consultasse  fingit.  Sic  autem  res  habet:  Avenione  profectus  recta  venit  Agathopolim,  2)  quod  est  oppidulum  sub  ditione  episcopi  basiliensis,  immune  tamen  et  ideo  Helvetiis  foederatum.  Simulatque  appulit,  per  quosdam  suos  fautores  indicari  curavit  Farello  et  reliquis  eius  collegis  qui  in  comitatu  Neocomensi  Christum  annunciant,  cupere  se  cum  1)  IameU  oppidum  est  in  dioecesi  Metensi,  hodie  Dep.  Mense  Molendmum  conferri  potest  cum  oppido  MouUns  in  eadem  dioecesi.  Textus  vero  illud  in  loco  longe  diverso  quaeri  iubet,  ut  videtur.  Verum  nescimus  utrum  de  urbe  Moulins  (Dep.  Aliter),  an  de  oppidulo  aliquo  in  Delphinatu  (Mohnes  en  Queyras,  Mohnes  en  Champsaur,  Dep.  Hautes  Alpes)  cogitandum  sit.  2)  Agathopolis,  Bonneville,  Neustadt,  in  agro  Neocomensi.