6:295  RESPONSIO  CONTRA  PIGHIUM  pite  nono.  De  gratia  Dei,  inquit,  qua  suorum  voluntates  praeparat  Deus,  nihil  in  his  libris  est  disputatum.  Aliud  est  enim  quaerere,  unde  sit  malum,  et  aliud  quaerere,  unde  redeatur  [pag.  87]  ad  pristinum,  vel  ad  maius  perveniatur  bonum.  Vides  hunc  fuisse  eius  scopum,  ut  originem  peccati  ex  voluntario  hominis  lapsu,  non  Dei  creatione,  exstitisse  demonstraret.  Nunc  post  lapsum  longe  alia  est  hominis  consideratio  et  longe  alia  quaestio:  unde  aut  qua  virtute  recuperent  filii  Adae  quod  in  patre  suo  perdiderunt.  Itaque  quoties  occinet  Pighius,  liberam  praedicari  hominis  voluntatem,  illud  vicissim  non  ex  me,  sed  ex  ore  Augustini,  audiat:  liberam  fuisse  voluntatem,  quum  sana  foret:  nunc  quum  tam  graviter  et  ad  mortem  usque  sauciata  sit,  humili  confessione,  non  superba  defensione  indigere.  Alterum  testimonium  ex  libro  tertio  adiungit:  ubi  voluntarium  ac  liberum  esse  motum  contendit,  quo  homo  ab  incommutabili  bono  ad  inferiora  peccando  convertitur:  quum  alioqui  nec  laudandus  esset,  nec  vituperandus,  nec  etiam  monendus;  deinde,  praescientiam  Dei  peccati  causam  esse  negat.  Voluntatem  enim  hominis  non  aliter  fore  voluntatem,  nisi  in  propria  eius  potestate  sit.  Ne  suspectum  sit,  si  quid  de  meo  proferam,  ipse  pro  se  Augustinus  respondeat.  Hoc  autem  facit  uno  verbo,  quum  disputare  se  negat,  qualis  sit  nunc  hominis  voluntas,  sed  qualis  fuerit  a  Deo  condita.  Porro  id  est,  quod  inter  nos  controvertitur:l)  quid  nunc  homini  supersit,  ex  quo  spiritualibus  illis  divitiis  spoliatus  fuit,  quibus  naturaliter  praeditus  erat.  Voluntas  est,  inquit,  qua  peccatur  et  recte  vivitur:  quod  tunc  agere  volui.  Voluntas  ergo  ipsa,  nisi  Dei  gratia  liberetur  a  servitute,  qua  facta  est  serva  peccati,  et  ut  vitia  superet  adiuvetur,  recte  pieque  vivi  non  potest.  Et  hoc  divinum  beneficium  quo  liberatur,  nisi  eam  praeveniret,  iam  meritis  eius  daretur,  et  non  esset  gratia,  quae  utique  gratis  datur.  Et  .ne  videatur  recantare  quod  dixerat,  illinc  locum  adducit  quo  constare  possit,  non  de  vitiata,  sed  integra  natura  dicta  esse  quae  adeo  eam  extollunt.  Quoniam,  inquit,  [pag.  88]  non  sicut  sponte  homo  cecidit,  ita  etiam  sponte  surgere  potest,  porrectam  nobis  desuper  dexteram  Dei,  id  est,  Dominum  Iesum  firma  fide  teneamus.  Vides,  ut  nihil  aliud  quam  primum  mali  fontem  requirat.  Manichaei  fingebant  Deum  esse,  ipse  ex  libero  hominis  arbitrio  fluxisse  asserit.  Liber  ergo  factus  erat:  quis  negat?  Sed  quum  se  in  servitutem  vendiderit:  quum  libero  arbitrio  male  usus  et  illud  et  se  perdiderit,  quorsum  attinet  commemorare,  qualis  tunc  fuerit?  Ut  clarius  etiamnum  loquar,  de  prima  hominis  creatione  1)  convertitur  1576  seqq.