51:295  295  SERMON  V  296  parle  ici  des  hommes  qui  auparavant  estoyent  alienez  de  Dieu  par  le  peche:  mais  il  dit,  toutes  choses  qui  sont  au  ciel  et  en  la  terre.  En  quoy  il  comprend  les  Anges  mesmes:  combien  qu'en  eux  la  gloire  de  Dieu  reluise  et  que  iamais  n'ayent  este  separez  de  luy,  tant  y  a  neantmoins  qu'ils  avoyent  besoin  d'estre  recueillis  par  nostre  Seigneur  Iesus  Christ,  voire  en  deux  sortes.  Car  combien  qu'ils  n'ayent  iamais  decline  et  qu'ils  ne  soyent  point  decheus  de  leur  origine,  et  que  la  iustice  de  Dieu  se  monstre  tousiours  en  eux,  qu'ils  en  soyent  mesmes  comme  un  miroir  et  patron,  si  est-ce  neantmoins  que  si  Dieu  les  vouloit  regarder  a  la  rigueur,  qu'ils  se  trouveroyent  bien  loin  de  la  perfection  de  iustice  qui  est  en  luy,  comme  il  est  dit  au  livre  de  Iob.  Et  au  reste,  il  y  a  encores  une  autre  raison  coniointe  avec  celle-la,  c'est  que  les  Anges  n'auroyent  pas  une  constance  et  fermete  telle  qui  seroit  requise,  BInon  que  Iesus  Christ  les  eust  establis  pour  iamais  ne  decheoir.  Voila  donc  comme  d'un  coste  ils  ont  este  recueillis:  mais  ce  recueil  dont  parle  ici  sainct  Paul,  c'est  d'autant  qu'ils  ont  este  reunis  avec  nous.  Car  nous  scavons,  d'autant  que  nous  estions  bannis  du  Royaume  de  Dieu,  que  nous  estions  retranchez  de  toute  esperance  de  salut,  qu'il  faloit  que  les  Anges  quant  et  quant  nous  fussent  ennemis  et  le  seroyent  encores,  n'estoit  ceste  conionction  que  nous  avons  avec  eux  par  le  moyen  du  chef  qui  nous  est  commun.  Et  voila  pourquoy  aussi  en  ceste  eschelle  qui  fut  monstree  a  Iacob,  il  estoit  dit  que  Dieu  estoit  assis  au  dessus,  et  touchoit  le  ciel  et  la  terre,  et  que  les  Anges  montoyent  et  descendoyent  par  icelle.  Or  nostre  Seigneur  Iesus  est  le  vray  Dieu  vivant  et  eternel,  qui  a  touche  ciel  et  terre,  d'autant  que  Dieu  en  sa  personne  a  conioint  son  essence  divine  avec  la  nature  de  l'homme.  Voila  donc  comme  le  ciel  est  ouvert,  tellement  que  les  Anges  commencent  de  s'accointer  avec  nous,  et  mesmes  sont  nos  serviteurs  (comme  il  est  dit  en  l'epistre  aux  Hebrieux)  d'autant  que  le  soin  de  nos  ames  leur  est  commande:  et  comme  aussi  il  est  dit  au  Ps.  34,  qu'ils  campent  touts  a  l'environ  de  nous,  et  veillent,  et  sont  nos  gardes.  Yoila  donc  comme