50:295  295  SERMONS  296  qu'il  nous  a  prevenus:  comme  il  est  dit  en  sainct  Iean,  qu'il  n'a  pas  attendu  qu'il  fust  aime  de  nous:  comme  aussi  cela  estoit  impossible,  d'autant  que  nous  ne  tendons  qu'a  mal,  et  y  sommes  du  tout  adonnez:  mais  Dieu  n'a  pas  laisse  de  nous  porter  amour,  combien  que  nous  luy  fussions  ennemis.  Et  voila  comme  nostre  Seigneur  Iesus  est  apparu,  a  fin  de  nous  reconcilier  a  Dieu  son  Pere,  comme  desia  nous  avons  monstre.  C'est  donc  en  somme  ce  que  nous  avons  a  retenir.  Or  sainct  Paul  quant  et  quantl  adiouste,  que  c'estoit  po%ir  nous  delivrer  de  ce  siecle  mauvais.  Il  monstre  ici  pourquoy  nous  sommes  appelez  a  la  cognoissance  de  nostre  Seigneur  Iesus  Christ:  et  pourquoy  aussi  il  nous  a  tant  prisez  que  de  nous  racheter  comme  il  a  fait,  a  fin  que  nous  ne  demeurions  point  en  nos  ordures  et  pollutions,  mais  que  nous  en  soyons  retirez.  Il  est  vray  que  ce  n'est  point  la  cause  de  nostre  salut:  mais  c'est  la  fin  et  le  but  auquel  Dieu  a  regarde.  Voici  donc  ce  qu'il  nous  faut  noter  quand  on  nous  parle  de  nostre  redemption  :  il  faut  commencer  par  la  faveur  gratuite  que  Dieu  nous  a  portee,  quand  en  son  conseil  eternel  il  a  establi  que  nous  fussions  ramenez  a  luy  par  le  moyen  de  nostre  Seigneur  Iesus  Christ.  Voila  donc  la  cause  principale.  Et  puis  il  y  a  Iesus  Christ,  auquel  nous  trouvons  tout  ce  qui  est  requis  pour  nous  asseurer.  Car  la  nous  voyons  que  nos  pechez  sont  effacez,  qu'il  s'est  constitue  pleige  pour  nous,  qu'il  a  fait  une  satisfaction  telle  que  rien  n'empesche  que  nous  n'approchions  de  Dieu.  Voila  le  second  poinct  que  nous  avons  ici  a  retenir.  Or  il  y  a  le  moyen  par  lequel  nous  sommes  faits  participans  de  nostre  Seigneur  Iesus  Christ,  c'est  quand  nous  acceptons  les  promesses  de  l'Evangile  en  vraye  foy.  Car  les  incredules  n'ont  nul  profit  de  ce  que  nostre  Seigneur  Iesus  Christ  a  endure  mort  et  passion,  mesmes  ils  en  sont  tant  plus  a  condamner,  qu'ils  reiettent  le  moyen  que  Dieu  avoit  establi:  et  leur  ingratitude  sera  d'autant  plus  grievement  punie,  qu'ils  ont  foule  au  pied  le  sang  de  nostre  Seigneur  Iesus  Christ,  qui  estoit  le  prix  de  leurs  ames.  Il  faut  bien  donc  que  nous  recevions  en  foy  les  promesses  de  l'Evangile,  si  nous  desirons  que  Iesus  Christ  se  communique  a  nous,  et  qu'il  nous  amene  en  possession  et  iouI88ance  des  biens  qu'il  nous  a  acquis  :  tellement  qu'ils  n'appartiennent  qu'a  ceux  qui  sont  membres  de  son  corps,  et  qui  ont  este  entez  en  luy,  et  qui  par  foy  le  recoivent:  comme  ii  en  est  parle  au  premier  chapitre  de  sainct  Iean,  que  Dieu  accepte  et  advoue  pour  ses  enfans  ceux  qui  croyent  en  son  Fils  unique.  Voila  donc  ce  que  nous  avons  a  retenir  en  troisieme  lieu,  quand  il  est  question  de  nostre  salut.  Or  il  reste  maintenant  que  Dieu  soit  glorifie