25:295  295  REDITUS  AD  HISTORIAM.  296  huius  habitationis  aspectus.  Per  Cinaeos  autem  Madianitas  intelligo,  qui  Amalecitis  contigui  erant,  nam  de  progenie  Ietro  accipere  prorsus  ratione  caret,  nondum  enim  elapsi  erant  quadraginta  anni  ex  quo  filium  suum  Ietro  apud  Mosen  reliquerat.  Erat  tantum  exigua  domus  in  deserto  Madian:  hic  autem  mentio  fit  populi  iam  celebris.  Ergo  per  synecdochen  Madianitas  designat  Balaam,  et  eos  quoque  iuste  poenae  addicit:  cuius  minister  et  exsequutor  aliqua  ex  parte  fuit  Gedeon,  ubi  cum  trecentis  viris  ingentem  exercitum  profligavit:  quae  victoria  in  Psalmo  53.  et  Isa.  9.  cap.  celebratur:  ac  tunc  probabile  est  attritas  fuisse  eorum  opes.  22.  Usquequo  Assur.  Durum  est  ac  coactum  de  Cinaeis  accipere.  Et  maior  pars  etiam  consentit  ad  Israelitas  referri:  quanquam  in  sensu  variant:  quia  affirmative  quidam  legunt,  perituros  esse  Cinaeos,  donec  Israelitae  ab  Assyriis  devicti  in  captivitatem  trahantur.  Alii  autem  interrogative  accipiunt:  ac  si  esset  abrupta  exclamatio.  Quousque  Assur  te  captivum  habebit?  Ita  existimant  diuturnum  populi  exsilium  notari.  Certe  consilium  spiritus  fuit,  per  modum  correctionis  docere,  felicitatem  (cuius  antea  fuit  facta  mentio)  permistam  fore  gravibus  miseriis:  acerba  enim  res  est  servitus,  tristius  etiam  exsilium.  Hinc  colligimus,  ecclesiam  ita  benedici  a  Deo  ut  variis  tamen  aerumnis  obnoxia  esse  non  desinat:  ita  interrogatio  melius  conveniet.  24.  Et  naves  de  littore  Chittim.  Minime  dubium  est  interdum  Chittim  accipi  pro  Graecis:  volunt  quidam  solos  Macedonas  proprie  designari  hoc  nomine:  sed  ad  totam  Graeciam  extendi  patet.  Quoniam  vero  Iudaeis  non  ita  notae  erant  transmarinae  regiones,  ut  eas  distinguerent,  interdum  ad  Italiam  idem  hoc  nomen  scriptura  transfert.  Certe  apud  Danielem  (  l  l  ,  30)  naves  Chittim  pro  italicis  vel  romanis  sumi  necesse  est,  quia  illic  praedicit  angelus  naves  Chittim  venturas,  quae  Antiochi  conatus  frangant:  et  reddant  irritos:  quod  Popilii  legatione  factum  esse  satis  liquet.  Quod  ad  praesentem  locum  spectat,  primum  Graeci  duce  Alexandro  tam  Iudaeam  quam  Assyriam  afflixerunt  :  altera  deinde  afflictio  sequuta  est  a  Romanis.  Verum  quoniam  de  Christi  regno  vaticinari  coepit  Balaam,  probabile  est  Romanos  una  cum  Graecis  comprehendi.  Hinc  vero  clarius  quod  nuper  admonui  perspicitur,  filios  Dei  adeo  non  eximi  a  communibus  malis  ut  promiscue  involvantur  saepe  cum  incredulis,  ac  si  eadem  esset  prorsus  conditio:  quia  Hebraei  Assyriis  fiunt  pares  et  calamitatum  socii,  additur  tamen  solatium,  illos  etiam  ut  Chittim  perituros,  ubi  in  ecclesiam  saevierint.  Quod  tandem  subiicit  Moses:  Balaam  reversum  esse  ad  suos,  et  Balac  quoque  rediisse  ad  locum  suum,  ad  commendationem