1:295  INSTITUTIO  REL.  CHRIST.  1539  .  1554.  subiicit:  ego  vero  non  crederem  evangelio,  etc.  significans  se,  quum  alienus  esset  a  fide,  non  aliter  potuisse  adduci  ut  evangelium  amplecteretur  pro  certa  Dei  veritate,  quam  ecclesiae  autoritate  victum.  Et  quid  mirum,  si  quis,  nondum  Christo  cognito,  hominum  respectum  habeat?  Non  ergo  illic  docet  Augustinus  fundatam  esse  piorum  fidem  in  ecclesiae  autoritate,  nec  evangelii  certitudinem  inde  pendere  intelligit;  verum  simpliciter  nullam  fore  evangelii  certitudinem  infidelibus,  ut  inde  Christo  lucrifiant,  nisi  ecclesiae  consensus  eos  impellat.  Atque  id  paulo  post  1)  non  obscure  confirmat,  ita  loquendo:  quum  ego  laudavero  quod  credo,  et  quod  credis  irrisero,  quid  putas  nobis  esse  iudicandum,  quidve  faciendum;  nisi  ut  eos  relinquamus,  qui  nos  invitant  certa  cognoscere,  et  postea  imperant  ut  incerta  credamus;  et  eos  sequamur  qui  nos  invitant  prius  credere  quod  nondum  valemus  intueri,  ut  ipsa  fide  valentiores  facti,  quod  credimus  intelligere  mereamur,  non  iam  hominibus,  sed  ipso  Deo  intrinsecus  mentem  nostram  firmante  atque  illuminante?  Haec  certe  sunt  Augustini  verba;  ex  quibus  cuivis  colligere  promptum  est,  non  hanc  sancto  viro  fuisse  mentem,  ut  fidem,  quam  scripturis  habemus,  a  nutu  arbitriove  ecclesiae  suspenderet;  sed  tantum  ut  indicaret  quod  nos  quoque  verum  fatemur,  eos  qui  nondum  spiritu  Dei  sunt  illuminati  ecclesiae  reverentia  ad  docilitatem  induci,  ut  Christi  fidem  ex  evangelio  discere  sustineant;  atque  ita  hoc  modo  ecclesiae  autoritatem  isagogen  esse,  qua  ad  fidem  evangelii  praeparamur.  Nam,  ut  videmus,  piorum  certitudinem  longe  alio  fundamento  vult  esse  suffultam.  Alioqui  non  nego  quin  saepe  Manichaeos  ecclesiae  universae  consensu  urgeat,  dum  scripturam,  quam  illi  repudiabant,  vult  approbare.  Unde  illa  adversus  Faustum  exprobratio  :  2)  quod  se  evangelicae  veritati  non  subdat,  tam  fundatae,  tam  stabilitae,  tanta  gloria  diffamatae,  et  a  tempore  apostolorum  per  certas  successiones  commendatae.  Sed  nusquam  eo  spectat,  ut  pendere  doceat,  quam  scripturis  autoritatem  deferimus,  ab  hominum  definitione  aut  decreto:  tantum,  quod  in  causa  plurimum  valebat,  universale  ecclesiae  iudicium  profert,  in  quo  adversarius  3)  erat  superior.  Si  quis  pleniorem  huius  approbationem  desiderat,  libellum  eius  legat  de  utilitate  credendi;  ubi  reperiet,  non  aliam  credendi  facilitatem  ab  ipso  commendari,  quam  quae  nobis  aditum  modo  praebeat,  sitque  opportunum  inquirendi  exordium,  ut  ipse  loquitur;  non  tamen  in  opinione  acquiescendum  esse,  sed  certa  et  solida  veritate  nitendum.  24.  Quanquam  4)  si  conscientiis  optime  consultum  volumus,  ne  instabili  dubitatione  perpetuo  vacillent,  altius  petenda,  quam  ab  humanis  vel  rationibus,  vel  indiciis,  vel  coniecturis,  scripturae  autoritas:  nempe  ab  interiori  spiritus  sancti  testificatione.  Etsi  enim  reverentiam  sua  sibi  ultro  maiestate  conciliat,  tunc  tamen  demum  serio  nos  afficit,  quum  per  spiritum  obsignata  est  cordibus  nostris.  Illius  ergo  virtute  illuminati,  iam  non  aut  nostro  aut  aliorum  iudicio  credimus,  a  Deo  esse  scripturam,  sed  supra  humanum  iudicium,  certo  certius  constituimus  (non  secus  ac  si  ipsius  Dei  numen  illic  intueremur)  hominum  ministerio,  ab  ipsissimo  Dei  ore  ad  nos  emanasse.  Non  argumenta,  non  verisimilitudines  quaerimus,  quibus  iudicium  nostrum  incumbat;  sed,  ut  rei  extra  aestimandi  aleam  positae,  iudicium  ingeniumque  nostrum  subiicimus.  Non  id  quidem  qualiter  solent  quidam  interdum  rem  incognitam  arripere,  quae  mox  perspecta  displicet;  sed  quia  inex-  1)  Eiusd.  lib.  c.  14.  2)  Lib.  32  passim.  3)  Sic  omnes,  sed  male.  Lege:  adversariis.  4)  Quare  1550  et  seqq.