9:294  carnis  sensu,  assurgant.  Sed  ne  de  verbis  litigare  videar,  [pag.  49]  ita  me  scripsisse  fateor,  lapsum  Adae  non  fortuitum  faisse,  sed  occulto  Dei  decreto  ordinatum.  Quod  praecise  doctrinam  diaboli  esse  pronuncias,  magnae  scilicet  autoritatis  censor  tibi  videris,  qui  sententiam  validis  rationibus  a  me  probatam  uno  convicio  everti  posse  speras.  Iubes  producere  testimonium  ex  scripturis,  ex  quo  pateat  Adam  non  sine  arcano  Dei  decreto  lapsum  esse.  Atqui  si  paucas  tantum  paginas  attente  legisses,  non  te  fugeret  quod  subinde  occurrit,  Deum  arcano  suo  consilio  omnia  moderari.  Praescientiam  Deo  affingitis,  qua  otiosus  e  coelo  speculetur  hominum  vitam:  Deus  ipse  gubernacula  totius  mundi  sibi  vendicans,  potentiam  suam  a  praescientia  separari  non  patitur.  Certe  haec  non  mea  sed  Augustini  est  ratiocinatio:  Si  praevidit  Deus  quod  fieri  nolebat,  non  tenere  summum  imperium:  itaque  statuisse  quid  futurum  esset,  quia  nihil  fieri  [pag.  50]  potuit,  nisi  eo  volente.  Si  tu  hoc  absurdum  iudicas,  eodem  tamen  recides  cum  tuo  figmento:  quia  saltem  malo  remedium,  quod  in  manu  erat,  afferre  debuit:  quod  non  fecisse  palam  est.  Praevidit  Deus  lapsum  Adae  :  penes  ipsum  facultas  erat  prohibendi  :  noluit.  Cur  noluerit,  alia  non  potest  afferri  ratio,  nisi  quia  alio  tendebat  eius  voluntas.  Si  tibi  permittis  litem  Deo  intendere,  accusa  etiam  eum,  quod  hominem  ingenita  fragilitate  ad  ruinam  aptaverit.  Dicis  libero  arbitrio  Adam  cecidisse.  Excipio:  Ne  caderet,  opus  habuisse  fortitudine  et  constantia,  qua  Deus  electos  suos  instruit,  dum  vult  integros  servare.  Certum  est,  nisi  singulis  momentis  nova  e  coelo  virtus  suggeratur,  ut  sumus  caduci,  millies  perituros.  Deus  quos  elegit,  invicta  fortitudine  fulcit  ad  perseverantiam.  Hoc  idem  cur  Adae  non  praestitisset,  si  volebat  incolumem  stare?  Certe  hic  obmutescere  [pag.  51]  necesse  est,  aut  fateri  cum  Solomone,  Deum  omnia  creare  propter  se  ipsum  etiam  impium  ad  diem  exitii  (Prov.  16,  4).  Si  te  offendit  absurditas,  cogita  non  frustra  toties  repeti,  iudicia  Dei  profundam  esse  abyssum.  Si  incomprehensibile  Dei  consilium  metiri  sensus  nostri  modulo  liceret,  frustra  dixisset  Moses  patefacta  esse  in  lege  quae  a  nobis  et  filiis  nostris  discenda  sunt:  manere  autem  Deo  sua  arcana.  Locum  citari  postulas  quo  probem  Deum,  quia  noluerit,  non  prohibuisse  Adae  lapsum.  Quasi  vero  ad  id  probandum  non  sufficiat  memorabile  illud  responsum:  Miserebor  cuius  miserebor:  unde  colligit  Paulus  non  omnium  misereri,  quia  non  vult  (Exod.  33,  19;  Rom.  9,  15).  Et  certe,  ut  nullus  accedat  interpres,  verba  clare  sonant,  non  obstringi  Deum  ulla  lege,  ut  misericordia  omnes  promiscue  dignetur:  sed  ipsum  sibi  esse  arbitrum,  ut  veniam  impertiens  quibus  visum  est,  alios  omittat,  [pag.  52]  Iam  certe  idem  tunc  erat  Deus  quem  propheta  asserit  facere  quae-  19*