8:294  fiet,  quae  salutis  humanae  summum  et  ultimum  finem  statuunt  Dei  gloriam?  Ergo  hoc  axioma  retinendum:  Sic  Deo  fuisse  curae  salutem  nostram,  ut  sui  non  oblitus,  gloriam  suam  primo  loco  haberet,  adeoque  totum  mundum  hoc  fine  condidisse,  ut  gloriae  suae  theatrum  foret.  Non  quod  vel  se  ipso  contentus  non  sit,  vel  quidquam  aliunde  mutuari  opus  habeat:  sed  quia  hoc  honore  dignatus  est  suas  creaturas,  ut  illis  insignes  gloriae  suae  notas  imprimeret  (Ephes.  1,  6).  Postquam  tam  dextre  exorsus  est  Pighius,  [pag.  78]  alterum  finem  subiicit:  Quod  Deus  ad  suae  bonitatis  naturam  respiciens,  eius  capacem  facere  voluerit  rationalem  creaturam:  quod  sine  arbitrii  libertate  fieri  potuisse  negat.  Hoc  confesso,  ruere  arbitratur  quod  doceo:  ex  aeterno  Dei  decreto  constitutum  fuisse  inter  electos  et  reprobos  discrimen,  quia  scilicet  homo,  futurae  suae  conditionis  arbiter,  utramque  fortunam  in  manu  habuerit.  Monendi  quidem  hic  in  primis  hortandique  sunt  lectores,  ut  quo  decet  honore  fictorem  et  opificem  suum  Deum  prosequentes,  ad  considerandum  eius  consilium  in  creatione  humani  generis  non  protervos  oculos  ingerant,  sed  ipsum  reverenter,  sobrie,  et  puro  fidei  oculo  suspiciant  Scio  de  aeterna  Dei  praedestinatione  verbum  fieri  vix  posse,  quin  mox  pravae  multae  absurdaeque  mentibus  imaginationes  obrepant.  Itaque  reperiuntur  modesti  quidam  homines,  qui  suppressam  eius  mentionem  cuperent,  ne  lascivis  ingeniis  sese  efferendi  materia  praebeatur.  Ego  vero,  ut  libenter  argutis  speculationibus,  quod  per  alios  licet,  supersedeo:  ita  ingenuam  veri  confessionem  subterfugere,  ne  impiorum  sannis  sit  exposita,  fas  esse  non  arbitror.  Nec  vero  aut  minus  quam  aliud  quidvis  pretiosa  est  Deo  sua  veritas:  aut  nostra  dissimulatione  protegi  vult  suam  iustitiam,  sicuti  nec  tali  patrocinio  J)  indiget.  Verum  [pag.  79]  hoc  fusius  paulo  post.  Nunc  ut  de  re  quae  agitur,  breviter  respondeam:  contendit  Pighius,  ita  praecise  ad  salutem  creatos  esse  homines,  ut  nullum  Dei  consilium  de  contrario  eventu  praecesserit.  Quasi  vero  Dominus  ante  primum  hominem  conditum,  qualis  totius  generis  futura  esset  conditio,  non  praeviderit.  Quasi  etiam  non  statuerit,  quidnam  fieri  vellet.  Homo,  ut  imago  Dei  foret,  et  luce  rationis  et  naturae  rectitudine  ornatus  fuit  ab  initio.  Ergo  Deus,  quasi  caecutiens,  eventum  dubius  suspensusque  exspectavit.  Tales  sunt  Pighii  consequentiae.  Audacter  enim  inde  colligit,  Deum  indiscrete  et  indiscriminate  disposuisse  universo≫  ita  creandos,  ut  suae  bonitatis  ac  beatitudinis  essent  participes.2)  Atqui,  nullo  negotio  utrumque  simul  1)  defense  ou  excuse.  2)  Tales  sunt  participes,  abest  a  gallico.  19*