51:294  mettre  nos  iargons  en  avant:  mais  que  nous  glorifions  Dieu,  confessans  que  son  conseil  est  la  reigle  de  toute  sagesse,  de  toute  droiture  et  de  toute  equite.  Et  pour  mieux  declarer  cela,  il  adiouste  quant  et  quant,  que  c'estoit  pour  recueillir  toutes  choses^  tant  celles  qui  sont  au  ciely  comme  celles  qui  sont  en  la  terre,  par  Iesus  Christ  en  soy.  Quant  a  ce  mot  de  Recueillir,  S.  Paul  a  voulu  monstrer  que  nous  sommes  tous  en  une  dissipation  horrible,  iusques  a  ce  que  nostre  Seigneur  Iesus  nous  ait  remis  en  estat:  et  non  seulement  ceci  se  rapporte  a  nous,  mais  a  toutes  creatures.  Brief,  c'est  autant  comme  s'il  disoit  que  Tordre  de  nature  est  comme  desfigure,  que  tout  est  ruine  et  en  confusion  par  le  peche  d'Adam,  iusques  a  ce  que  nous  soyons  remis  en  la  personne  de  nostre  Seigneur  Iesus  Christ.  Car  combien  que  nous  contemplions  et  la  sagesse,  et  la  vertu,  et  la  bonte,  et  la  iustice  de  Dieu  admirable  en  toutes  ses  creatures,  si  est-ce  neantmoins  que  et  haut  et  bas  il  y  a  des  marques  du  pecho,  et  que  toutes  creatures  sont  subietes  a  corruption,  et  que  tout  y  est  debiffe,  a  cause  que  Dieu  nous  hait  et  nous  reiette.  Ii  faut  donc  que  la  restauration  soit  faite  par  Iesus  Christ.  Et  c'est  ce  qu'emporte  ce  recueil,  dont  S.  Paul  fait  ici  mention,  a  fin  que  nous  apprenions  de  nous  desplaire,  et  d'avoir  honte  de  la  confusion  qui  est  en  nous,  et  de  laquelle  tout  le  monde  est  rempli  par  nostre  vie  et  coulpe:  et  sur  cela  que  nous  apprenions  aussi  de  magnifier  tant  plus  la  bonte  de  Dieu.  D'un  coste  donc  le  S.  Esprit  nous  exhorte  en  ce  passage,  que  non  seulement  nous  sommes  en  dissipation,  mais  aussi  que  nous  y  avons  mis  tout  le  monde,  et  l'y  mettons  chacun  iour  par  nos  pechez,  et  qu'il  n'y  a  autre  remede  sinon  que  Iesus  Christ  repare  le  tout  et  qu'il  face  un  recueil  et  union  telle,  que  nous  soyons  conioints  a  nostre  Dieu.  Yoila  donc  le  premier  poinct  que  nous  avons  a  observer  en  ce  passage.  Or  il  est  vray  que  ceci  est  dit  en  bref:  mais  il  a  besoin  d'estre  medite  plus  au  long.  Et  c'est  aussi  ou  il  nous  faut  employer  et  soir  et  matin:  et  que  quand  nous  regardons  a  nous,  que  ce  soit  pour  penser,  Et  qui  es-tu,  poure  creature?  car  te  voici  separe  de  ton  Dieu  depuis  ta  naissance,  te  voila  son  ennemi  et  heritier  de  son  ire:  et  d'autre  coste,  il  n'y  a  rien  en  toy  qui  ne  tende  a  mal  et  a  perversite  :  et  non  seulement  tu  dois  sentir  en  ta  personne  une  telle  dissipation,  mais  que  tout  est  dissipe  en  ce  monde  a  cause  de  ta  perversite.  Que  donc  nous  soyons  la  abatus  et  confus:  et  la  dessus  que  nous  confessions  combien  nous  sommes  redevables  a  nostre  Dieu,  quand  il  luy  plaist  de  nous  recueillir  en  la  personne  de  son  Fils  unique,  voire  nous  qui  avions  ainsi  comme  descire  par  pieces  ce  qu'il  avoit  mis  en  un  si  bel  ordre.  Et  pour  ceste  cause  S.  Paul  non  seulement  19*