50:294  ment  d'invoquer  nostre  Dieu,  et  de  nous  asseurer  de  nostre  salut,  quand  il  nous  est  conferme  en  telle  sorte?  Voila  donc  ce  que  nous  avons  a  retenir  sur  ce  passage.  Et  au  reste,  notons  aussi  l'amour  de  nostre  Seigneur  Iesus  Christ,  puis  qu'il  s'est  ainsi  donne  pour  nos  pechez,  que  maintenant  il  ne  souffrira  pas  que  sa  mort  et  passion  soit  inutile,  que  le  sacrifice  qu'il  a  offert  une  fois  perisse  et  soit  aneanti  sans  produire  son  fruict  en  nous.  Et  comme  il  s'est  sacrifie  pour  un  coup,  il  sera  aussi  nostre  intercesseur  et  advocat  perpetuel,  a  fin  que  nous  soyons  participans  de  la  purgation  qui  nous  a  este  acquise,  et  questans  nettoyez  de  toutes  nos  souilleures,  nous  comparoissions  devant  Dieu,  et  que  nous  le  puissions  reclamer  a  bouche  ouverte.  Voila  comment  c'est  qu'il  nous  faut  assembler  toutes  ces  choses  qui  nous  sont  ici  remonstrees  pour  avoir  une  foy  toute  resolue,  et  avoir  liberte  de  recourir  a  nostre  Dieu:  non  pas  comme  estranges  de  luy:  mais  comme  ses  propres  enfans  et  familiers.  Et  cependant  apprenons  aussi  de  reietter  toutes  illusions  et  fantasies  de  Satan,  qui  ne  cerche  sinon  a  nous  destourner  de  nostre  Seigneur  Iesus  Christ,  ou  bien  obscurcir  sa  grace  laquelle  nous  devons  trouver  en  luy:  quand  il  ne  le  peut  abolir  du  tout,  il  nous  embrouille,  et  nous  met  en  avant  des  moyens  pour  acquerir  faveur  envers  Dieu.  Or  que  tout  cela  soit  retranche,  et  que  tous  nos  sens  soyent  tellement  retenus  en  nostre  Seigneur  Iesus  Christ,  que  luy  seul  nous  suffise,  et  que  nous  detestions  tout  ce  qui  nous  pourroit  venir  en  nostre  teste  pour  acquerir  grace  et  faveur:  scachant  qu'il  n'y  a  sinon  ce  sacrifice  par  lequel  iustice  et  toute  purete  nous  a  este  acquise,  a  fin  que  Dieu  maintenant  nous  recoive  a  merci.  Au  reste,  sous  ce  mot  de  volonte  de  Dieu  il  nous  faut  quant  et  quant  comprendre  une  bonte  gratuite  pour  exclure  tout  ce  que  les  hommes  ont  accoustume  de  se  faire  a  croire  de  leurs  merites:  comme  aussi  ce  mot  est  prins  en  tel  sens  en  l'Escriture  saincte:  ce  qu'on  appelle  ailleurs,  Bon  plaisir  (ainsi  que  nous  l'avons  allegue),  maintenant  est  appele  volonte.  Sainct  Paul  donc  non  seulement  nous  a  monstre  que  la  source  de  nostre  redemption  et  salut  est  en  l'ordonnance  et  conseil  eternel  de  Dieu  le  Pere:  mais  il  a  aussi  voulu  abatre  tout  orgueil  et  presomption,  monstrant  qu'il  faut  attribuer  toute  la  louange  de  nostre  iustice  a  la  grace  de  Dieu,  laquelle  n'a  eu  esgard  a  nos  merites.  Car  examinons-nous  :  qu'est-ce  que  Dieu  trouvera  en  nous,  sinon  miseres?  Et  voila  qui  est  cause  que  Dieu  exerce  sur  nous  sa  misericorde.  Ainsi  donc,  que  nous  scachions  que  maintenant  nous  pouvons  franchement  lever  les  yeux  au  ciel,  adresser  nos  prieres  et  oraisons  a  Dieu,  pour  ce  19*