5:294  rem,  quam  venerat?  Nempe  hoc  unum  satis  clarum  indicium  est,  qualis  sit  eorum  opera:  quando  hoc  quod  agunt  agendo,  nihil  prorsus  agunt.  Sed  istud  ad  refutandam  eorum  vanitatem  multo  certius  est  argumentum,  quod  palam  est,  eos  ne  studere  quidem,  ut  quidquam  proficiant:  quin  potius  data  opera  cavere,  ne  quid  proficiant.  Porro  quo  dilucidius  adhuc  perspiciant,  ineptiis  illis  suis  omnibus  se  nequaquam  assequi,  ut  ne  perfidi  magis  proditores,  quam  probi  pastores  censeantur:  paucis  vero  demonstremus,  id  quod  pastoribus  Dominus  mandavit,  quam  illi  bona  fide  exsequantur.  Hac  enim  comparatione  obtineri  facile  posse  puto,  ne  nugaci  nescio  quo,  nihilique  praetextu  freti,  aliorum  numero  posthac  se  eximant.  Quoniam  autem  quae  sit  episcopis  tenenda  docendi  ratio,  summatim  declaravit  apostolus  (Tit.  1,  9),  dum  strenuos  esse  ipsos  iussit,  et  ad  exhortandum  in  doctrina  sana,  et  ad  eos  qui  contradicant  revincendos,  ad  eam  regulam  morem  docendi  istorum  metiemur.  Qualem  ergo  se  gerit  eorum  praestantissimus?  Quum  Satanam  ecclesiae  sibi  commissae  dominari,  afflictae  oppressaeque  Dei  veritati  insultare,  laceras  et  mutilas  Christi  oves  in  praedam  abigere,  planeque  ceu  Christo  subiugato  triumphare  videat:  paucis  anni  diebus  in  concionem  defungendi  tantum  [pag.  61]  causa  prodit,  non  aliter  quam  si  tranquilla  omnia,  atque  optime  composita  forent.  Rursum,  qua  rabie  Christi  adversarii  apud  vos  ad  evertendum  eius  regnum  feruntur,  quum  non  liberam  modo  et  constantem,  sed  paulo  sinceriorem  verbi  praedicationem  cum  vitae  suae  discrimine  coniunctam  sciat:  ipse  autem  vel  minimae  unguiculae  iacturam  Christi  causa  facere  reformidet,  conciones  ipsas  ita  moderatur,  ut  se  extra  periculi  aleam  contineat.  Haec  praeclara  sunt  eorum  stratagemata,  quorum  merito  prae  aliis  eximii  haberi  volunt:  in  quibus  si  neutrum  adhuc  eorum  spectare  licet,  quae  episcopis  in  illa  Pauli  regula  praescribuntur,  tam  inani  fiducia  superbire  illis  non  concedam.  Quorsum  enim  christianae  ecclesiae  conciones,  nisi  quibus  sana  doctrina  instituatur?  Quae  autem  sana  institutio  tradi  ab  eo  potest,  qui  nihil  nisi  cum  Satanae  pace  experitur?  Id  si  alioqui  dubium  esset,  ipsi  suo  documento  faciunt  certissimum.  Quidquid  de  vera  orandi  ratione  praecipiant,  non  alium  tamen  orandi  in  populo  suo  usum  esse  vident,  quam  pessimam  illam  orationis  pestem,1  inanem  battologiam,  qua  eadem  subinde  verba  sine  mente,  sine  corde,  sine  intellectu,  magico  more  demurmurant:  ut  illis  non  aliud  sit  orare,  quam  rosarii  circulum  evolvere.  Atqui,  hoc  malum  quia  nisi  periculose  attingere  non  licet,  secure  dissimulant.  Utcunque  de  vero  Dei  cultu  disserant:  qui  ut  interiore  cordis  fiducia,  seria  invocatione,  laudis  confessione  constat,  ita  totus  spiritualis  esse  debet:  populum  tamen  quia  inde  avelli  citra  gravem  Satanae  19*