25:294  nem  habet  Balaam  de  vicinis  populis:  deinde  quum  proximo  versu  descendit  ad  Edom,  explicationis  vice  addit  montem  Seir.  Quum  eadem  utriusque  sententiae  sit  ratio,  probabile  non  est  filios  Seth  alios  dici  quam  Moabitas.  Quaeritur  tamen  cur  uni  genti  tribuat  Balaam  quod  omnibus  erat  commune:  omnes  enim  peraeque  a  Noe  ducebant  originem  qui  erant  ex  posteris  Seth.  Quidam  existimant,  ut  tegerent  suum  dedecus  gloriatos  fuisse  hac  stirpe:  scimus  enim  autorem  gentis  ex  incestuoso  coitu  fuisse  progenitum.  Alia  autem  aptior  mihi  occurrit  ratio,  quod  summam  antiquitatem  sui  generis  iactaverint,  ut  Amalecitae.  Ergo  quum  inter  vetustissimos  populos  censeri  vellent,  absurdum  non  erit,  ironica  appellatione  perstringi  vanum  eorum  fastum.  Fieri  tamen  potest  ut  inter  posteros  Moab  quispiam  hoc  nomine  excelluerit.  Caeterum  (ut  nuper  dixi)  a  Davide  quidem  sub  iugum  coacti  sunt  tam  Moabitae  quam  Idumaei:  sicut  merito  de  illis  suos  triumphos  canit,  Moab  olla  lotionis  meae:  super  Edom  proiiciam  calceos  meos:  (Psal.  60,  10)  sed  tuae  adumbratum  fuit  duntaxat  quod  Christus  demum  exhibuit:  quia  in  nihilum  redegit  gentes  omnes  suo  imperio  adversas  et  infestas.  Ideo  dicitur:  Perdet  residuum  ex  urbibus,  nempe  quoscunque  reperiet  deploratos  hostes.  20.  Et  quum  vidisset  Amalec.  Antea  coelesti  decreto  destinatus  exitio  fuerat  populus  ille,  sed  quod  iam  pronunciaverat  Deus,  per  Mosen  iterum  sancitur.  Etsi  autem  vindicta  quam  sumpturus  erat  Deus,  sopita  pluribus  sacculis  iacuit,  tandem  re  ipsa  cognitum  fuit  Deum  non  frustra  minatum  esse.  Porro  quanquam  a  Saule  deleti  fuerant,  discimus  tamen  ex  historiae  contextu  fuisse  aliquos  superstites,  et  rursus  in  sua  regione  habitasse.  Itaque  ut  nobis  constet  solida  veritas,  ad  Christum  venire  necesse  est,  cuius  regnum  aeternus  est  omnium  improborum  interitus.  Frigidum  est  quod  putant  quidam  interpretes,  principium  gentium  vocari  Amalec,  quia  primi  arma  sumpserint,  et  occurrerint  Israelitis  ad  prohibendum  eorum  iter.  Potius  oblique  refellitur  eorum  superbia,  quoniam  se  aliis  gentibus  praeferrent:  idque  vetustatis  nomine,  ac  si  una  cum  sole  et  luna  essent  procreati.  Concinna  est  autem  allusio  inter  nobile  illud  principium,  et  cladem  quae  in  exitu  ipsos  manebat.  21.  Viso  etiam  Cinaeo.  Quo  sensu  dicatur  Balaam  vidisse  tam  Cinaeos  quam  alias  gentes,  nondum  attigi:  at  nunc  quoque  omitterem,  nisi  quia  referunt  hoc  nonnulli  ad  visionem  propheticam:  quorum  sententiae  non  subscribo,  historice  enim  narrat  Moses,  faciem  suam  Balaam  vertisse  ad  eas  plagas  ubi  tunc  degebant.  Etsi  autem  homines  ipsos  non  vidit,  satis  fuit  ad  vaticinium  19*