15:294  19.  Hocest  testimonium  aut  obsignatio  memoriaque  celebris  traditi  pro  vobis  corporis.  Haec  sententia  vel  opinio  in  eodem  sermone  Bullingeri  posita  per  Ioachimum  mutilata  est.  Sic  enim  scripsit:  Panis  et  vinum  signum  et  sacramentum  sunt  testimonium  aut  obsignatio  memoriaque  celebris  traditi  pro  nobis  corporis  ac  effusi  sanguinis.  Erat  haec  opinio  prius  posita  sicut  et  insequens  et  poterat  omitti,  si  non  magister  noster  delectatus  fuisset  bene  dicta  saepius  ponere  ac  crambem  istam  saepius  in  farraginem  ingerere.  20.  Hoc  sacramento  significatur  passio  et  mors  mea  et  communio  cum  omnibus  sanctis.  Iunxerat  haec  Bullingerus  cum  verbis  paulo  ante  recitatis.  Sed  Ioachimus  diremit  ac  parum  fideliter  reddidit  in  tabula.  Sacramento  coenae  dominicae  significatur  corpus  Domini  pro  nobis  traditum  et  sanguis  eius  pro  nobis  effusus  ete.  21.  Hoc  est  mysticum  corpus  seu  ecclesia  sanctorum  redempta  meo  corpore.  Hanc  opinionem  aliis  verbis  recitavit  Ioachimus  in  margine:  Haec  est  collectio  seu  societas  sanctorum  seu  ecclesia  redempta  mea  passione.  Tractat  autem  Bullingerus  verba  Pauli  1  Cor.  X.  et  non  verba  Domini  de  coena.  Quem  candorem  declaravit  etiam  Ioachimus  in  opinionibus  Zuinglii  et  Oecolampadii.  Nam  in  Zuinglii  opinionibus  recitandis  notavit  in  margine:  Corpus  pro  Christi  ecclesia.  Et  folio  A.  5  in  farragine:  Certe  Zuinglius  quum  haec  verba:  Hoc  est  corpus  meum  depravat,  his  commentis:  hoc  significat  corpus  meum,  Item:  corpus  hic  intelligitur  pro  passione  in  corpore  tolerata,  Item:  corpus  significat  corpus  mysticum  seu  ecclesiam,  certe  non  verba  sed  sententiae  inter  se  discrepant.  Et  si  ex  his  tribus  interpietationibus  una  est  vera,  tum  aliae  verae  esse  non  possunt.  Et  reliqua.  Atqui  Zuinglius  tractans  verba  Pauli  1.  Cor.  X.  v.  17  sic  loquitur:  Quum  celebratis  et  simul  editis  do  pane  et  bibitis  de  calice  Domini,  significatis  vos  esse  verum  corpus  et  verum  panem,  videlicet  corpus  quod  est  ecclesia.  Et  reliqua.  Estne  sententia  nova,  impia,  haeretica  in  ecclesiis  Dei,  ecclesiam  sanctam  catholicam  dici  corpus  Christi?  Aut  pugnat  haec  interpretatio  cum  Apostoli  verbis?  Annon  dicit  Apostolus  eodem  loco:  Unus  panis  et  unum  corpus  multi  sumus,  qui  de  pane  uno  participamus?  Annon  ecclesia  vetus  offerendo  symbola  coenae  offerebat  coelesti  patri  ecclesiam?  Recole,  Ioachime,  quo  spiritu,  quo  consilio,  quo  artificio,  quo  candore  et  fide  composueris  tabulam  et  farraginem  et  chaos  istud?  Recogita  quam  haec  deceant  ministrum  ecclesiae  et  Christi.  Resipisce,  fraterque  noster  habeberis.  Emensi  iam  sumus,  ut  vides,  ultra  mediam  partem  chaos  istud  tuum,  et  prospero  pede,  Domini  videlicet  spiritu  nobis  ter  aperiente  per  obiectum  19*