9:293  293  DE  OCCULTA  DEI  PROVIDENTIA.  ubi  enim  convertisti  me,  egi  poenitentiam.  Haec  solutio,  si  qua  in  cane  verecundia  esset,  tibi  ex  meis  scriptis  decies  nota  esse  [pag.  46]  debuerat.  Sed  ut  tibi  liceat  eam  reiicere,  nihilo  tibi  magis  Paulus,  quam  Ezechiel  suffragatur.  Quomodo  velit  Deus  salvos  omnes  fieri,  non  anxie  disputandum  est:  quia  haec  duo  inter  se  cohaerent,  salus  et  cognitio  veritatis.  Nunc  responde,  si  voluit  Deus  suam  veritatem  omnibus  innotescere,  cur  ad  tot  gentes,  ex  quo  promulgari  coepit  evangelium,  nunquam  pervenerit  pura  eius  veritas?  Deinde  cur  non  omnium  oculos  peraeque  aperuerit,  quando  interior  spiritus  illuminatio,  qua  non  nisi  paucos  dignatur,  ad  fidem  necessaria  est?  Hic  etiam  tibi  solvendus  est  nodus:  Quum  nemo  nisi  arcano  spiritus  instinctu  tractus  ad  Deum  accedat,  cur  non  promiscue  trahat  omnes,  si  vult  eos  salvos  fieri:  quia  ex  discrimine  certo  colligitur  esse  arcanum  aliquem  modum,  quo  multos  a  salute  excludat.  Quomodo  usque  ad  millesimam  generationem  pateat  Dei  misericordia,  [pag.  47J  quamdiu  te  fastus  quo  turges  hebetabit,  nunquam  agnosces.  Neque  enim  promittitur  misericordia,  quae  maledictionem,  qua  oppressum  est  totum  Adae  genus,  penitus  aboleat,  sed  quae  superatis  omnibus  obstaculis,  absque  fine  perrumpat  usque  ad  indignos.  Sic  multos  Abrahae  filios  praeteriit  Deus,  quum  unum  Isaac  elegit:  sic  quum  duo  gemelli  ex  Isaac  progeniti  essent,  idem  Deus  residere  misericordiam  suam  voluit  in  uno  Iacob.  Iam  quamvis  in  multis  irae  suae  documenta  exserat  Deus,  verum  tamen  illud  manet,  propensum  esse  ad  bonitatem,  tardum  ad  iram,  quando  in  tolerantia  qua  sustinet  reprobos,  non  obscura  refulget  eius  bonitas.  Caeterum  vide  ut  frivolae  tuae  captiones,  a  quibus  me  facile  expedio,  te  contra  illaqueent.  Ut  Dei  misericordia  iram  superet,  vis  plures  ad  salutem  quam  ad  interitum  eligi:  hoc  si  tibi  concedo,  Deus  tamen  paucis  illis  iniquus  erit,  si  tuis  calumniis  creditur.  Nisi  [pag.  48J  foetus  suos  amet,  lupo  deteriorem  esse  pronuncias.  Sit  unus  duntaxat  erga  quem  exerceat  iram  suam,  quomodo  saevitiae  crimen  eluet?  Nec  est  quod  excipias,  causas  irae  esse  in  ipsis  hominibus:  quia  iram  cum  misericordia  conferens,  tantum  de  magnitudine  contendis,  ac  si  plures  ad  salutem  eligendo  probaret  se  misericordem  esse.  Atqui  longe  aliter  gratiam  suam  nobis  commendat,  nempe  dum  tot  tamque  variis  peccatis  ignoscens,  certat  cum  obstinata  hominum  malitia,  usque  dum  ad  cumulum  perveniat.  IL  In  secundo  articulo  idem  es  qui  nuper.  Profer  locum  ex  scriptis  meis,  ubi  doceam  lapsus  causa  propositum  fuisse  pomum  Adae.  Haec  est  scilicet  tua  popularitas,  mendaciis  obtenebrare  mentes  simplicium,  ne  ad  veritatem,  quae  remota  est  a  communi