7:293  293  ADVERSUS  P.  CAROLI  CALUMNIAS.  Quum  nuper  libellum  ediderit  Petrus  Carolus  sorbonicus  theologaster  suo  nomine  inscriptum,  licet  alieno  artificio  compositum,  in  quo  omnes  quidem  piae  sanaeque  doctrinae  ministros,  tres  tamen  praecipue,  Farellum  scilicet,  Viretum  et  Calvinum  atrocibus  calumniis  proscindit,  optandum  esset  ut  unus  horum  responderet  ad  eius  maledicta.  Nam  utcunque  liber  ille  puerilibus  ineptiis  refertus  sit,  et  adeo  impudenter  mentiatur  ille  nebulo  adversus  optimos  viros  ut  indignus  sit  refutatione,  quia  tamen  semper  reperiuntur  multi  nimis  faciles  ad  credendum,  qui  rectum  iudicium  non  adhibeant,  nisi  diligenter  admoniti,  et  illic  quasi  de  re  gesta  narrationem  instituit,  unde  suspicari  possint,  vel  docti  et  intelligentes,  non  prorsus  de  nihilo  eum  loqui,  etiam  sicubi  aperta  eius  mendacia  perspiciantur  :  venenum  est,  quod  incautis,  adeoque  mediocriter  peritis  nocere  possit,  nisi  oppositum  fuerit  antidotum.  Huc  accedit  quod  qui  hominis  ingenium  non  noverunt,  moveri  possent  aetate.  Nec  enim  credibile  est  hominem  extrema  fere  senectute  tam  prostitutae,  imo  perditae  esse  frontis,  ut  sciens  et  volens  totum  mundum  faciat  testem  suae  vanitatis.  Omnium  autem  maximum  est  quod  non  usitatis  ac  tritis  [pag.  4]  calumniis  gravare  eos  conatur,  qui  restituendae  pietatis  doctrinae  fidelem  operam  hoc  tempore  navarunt,  sed  quo  infames  et  exosos  reddat  ipsos  bonis  omnibus,  arianismi  eos  insimulare  audet.  Optarem  igitur  aliquem  ex  illis  non  detrectare  hunc  laborem  reprimendae  eius  proterviae.  Et  ego  cum  Calvino  egi,  ut  has  partes  susciperet,  quum  alias  ob  causas,  tum  quia  ipsum  sibi  antagonistam  in  fictitia  sua  disputatione  Carolus  delegit.  Verum  quia  excusat  se  melioribus  studiis  occupari  (quod  verum  esse  agnosco)  et  negat  se  tantum  honoris  habiturum  esse  huic  porco,  ut  eum  suis  scriptis  celebret;  et  idem  reliqui  duo  affirmant,  restat  ut  quispiam  magis  otiosus  subeat  in  eorum  vices.  Inprimis  movit  me  Calvini  responsio,  ne  ulterius  eum  urgerem:  quum  diceret  his  clandestinis  artibus  satanam  hoc  moliri  ut  ipsum  abstraheret  a  scriptionibus,