51:293  293  SUR  L'EPITRE  AUX  EPHESIENS.  294  a  Dieu,  (ju'il  dispense  de  son  Eglise,  et  du  salut  de  ses  eleus,  comme  bon  luy  a  semble.  Et  quant  au  temps,  prenons  pour  plenitude  ce  qu'il  luy  plaira  de  nous  monstrer.  Car  il  ne  nous  faut  point  estre  ici  iuges  ni  arbitres  pour  mesurer  les  temps,  les  aneees,  les  mois,  les  iours:  mais  il  nous  doit  suffire  que  Dieu  a  voulu  qu'ainsi  fust.  On  disputera,  Comment?  Voila  apres  la  cheute  d'Adam  quatre  mille  ans  qui  se  passent:  et  Dieu  ne  pouvoit-il  donner  remede  et  envoyer  plustost  le  Redempteur  du  monde?  Voila  tant  de  poures  gens  qui  sont  demeurez  esgarez  en  leurs  tenebres:  voila  donc  la  perdition  du  genre  humain  comme  un  deluge  qui  engloutit  tout:  et  cependant  Iesus  Christ  a  este  cache.  Et  encores  il  y  a  puis  apres  un  petit  nombre  de  gens  qui  le  goustent  par  figures  et  ombrages  tant  seulement.  Car  il  n'y  a  eu  que  les  Iuifs  qui  attendissent  un  Redempteur  pour  obtenir  salut  par  son  moyen:  et  ceux-la  ont  eu  des  veaux  et  moutons  et  des  bestes  brutes  pour  avoir  certitude  de  la  remission  de  leurs  pechez,  et  que  Dieu  leur  seroit  propice.  Si  on  demande,  Et  comment  cela  estil  advenu?  Recourons  a  ce  qui  est  ici  declare  en  un  mot,  c'est  que  le  temps  n'estoit  pas  accompli.  Et  pourquoy?  Car  Dieu  l'avoit  ordonne.  Et  c'est  ce  que  nous  avons  desia  veu  aux  Galates,  comme  sainct  Paul  aussi  reprimoit  la  toutes  les  folles  speculations  dont  les  hommes  s'esgarent  en  se  voulant  eslever  plus  qu'il  ne  leur  est  licite.  Concluons  donc  que  c'est  le  propre  office  de  Dieu,  d'aviser  des  temps  et  des  saisons,  et  qu'il  ne  nous  faut  trouver  opportun,  sinon  ce  qu'il  fait.  Car  mesmes  combien  que  l'hyver  et  Teste  nous  soyent  ordinaires  chacun  an,  si  est-ce    si  Teste  vient  trop  tard,  il  nous  faut  la  tenir  en  bride  et  ne  point  murmurer  a  l'encontre  de  Dieu.  Nous  pourrons  bien  dire,  Helas  !  s'il  plaisoit  a  Dieu  de  nous  envoyer  le  chaut,  il  seroit  bien  a  souhaiter.  Mais  cependant  si  faut-il  avoir  ceste  conclusion,  C'est  a  Dieu  de  gouverner,  et  la  maistrise  et  l'authorite  luy  appartient.  Si  en  Tordre  de  nature  qui  nous  est  commun,  et  la  ou  Dieu  se  declare  privement  a  nous,  toutesfois  nous  devons  avoir  une  telle  sobriete:  que  sera-ce  quand  il  est  question  des  secrets  du  Royaume  des  cieux,  du  salut  eternel  de  nos  ames,  de  ce  mystere  si  haut,  c'est  a  scavoir,  que  le  Fils  de  Dieu  soit  venu  pour  remettre  en  estat  ce  qui  estoit  peri?  Ne  faut-il  pas  que  la  tous  haissent  la  teste,  et  qu'en  humilite  nous  acceptions  ce  que  Dieu  nous  dit,  et  que  nous  cognoissions  ce  qu'il  approuve?  Yoila  donc  pourquoy  S.  Paul  notamment  a  ici  parle  de  ceste  plenitude  des  temps  :  comme  s'il  disoit  que  iamais  nous  n��  pourrons  profiter  en  l'Evangile,  iusques  a  ce  que  nous  ayons  porte  cest  honneur  a  Dieu,  que  sa  seule  volonte  nous  contente,  et  que  nous  ne  venions  point  repliquer  a  l'encontre,  ni