50:293  293  SUR  L'EPITRE  AUX  GALATES.  294  autre  qu'a  Dieu.  Voila  done  Dieu  qui  nous  a  envoye  son  Fils  unique,  et  Ta  livre  a  la  mort  pour  nous.  Et  comment?  Afin  que  toute  haine  entre  luy  et  nous  fust  abolie.  Voila  en  somme  ce  qui  doit  estre  entendu  par  ces  mots  de  sainct  Paul,  quand  il  est  dit  que  Iesus  Christ  s'est  expose  a  la  mort  pour  nos  pechez:  et  toutesfois  cela  n'est  point  advenu  sans  la  volonte  de  Dieu  qui  l'avoit  ainsi  establi  en  son  conseil  eternel.  Or  ici,  en  premier  lieu,  nous  avons  a  magnifier  la  misericorde  laquelle  nous  a  este  monstree  en  la  personne  de  nostre  Seigneur  Iesus  Christ.  Car  si  Dieu  nous  eust  fait  publier  un  pardon,  en  declarant  qu'il  nous  recevroit  a  merci,  combien  que  nous  n'en  fussions  pas  dignes,  desia  c'eust  este  beaucoup:  et  mesmes  il  nous  seroit  impossible  de  magnifier  ceste  grace  la,  comme  elle  en  est  digne.  Mais  quand  il  nous  a  baille  un  tel  gage  de  son  amour  que  son  propre  Fils,  et  qu'en  la  personne  d'iceluy  il  se  donne  a  nous,  et  qu'il  declare  qu'il  nous  est  Pere,  il  passe  outre  ce*  que  nous  avons  dit:  tellement  que  quand  tous  nos  sens  seront  ravis  en  estonnement  d'une  telle  bonte,  encores  n'approcherons-nous  pas  d'une  telle  perfection.  Voila  donc  ce  que  nous  avons  a  observer  en  premier  lieu,  quand  S.  Paul  nous  parle  ici  de  la  volonte  de  Dieu.  Que  nous  cognoissions,  mesmes  du  temps  que  Dieu  avoit  iuste  raison  de  nous  hayr,  et  nous  tenir  detestables,  et  de  faict,  que  nous  luy  estions  ennemis  (comme  l'Escriture  parle),  qu'il  n'a  pas  laisse  d'avoir  quelque  regard  a  nous,  et  que  sa  pitie  ne  s'estendit  iusques-la,  qu'il  n'a  pas  voulu  que  nous  soyons  demeurez  en  nostre  perdition:  et  mesmes  qu'il  ne  s'est  pas  contente  de  la  declarer  de  bouche:  mais  qu'il  nous  en  a  baille  un  gage  tel  que  nous  voyons,  c'est  a  scavoir  que  son  propre  Fils  en  a  respondu.  Or  puis  qu'ainsi  est  que  Dieu  s'est  ainsi  declare  bon  et  pitoyable  devant  que  nous  fussions  reconciliez  a  luy,  que  sera-ce  maintenant  quand  nous  avons  ce  tesmoignage-la,  et  que  l'Evangile  aussi  nous  est  presche,  a  fin  que  nous  en  soyons  asseurez,  et  que  par  foy  nous  soyons  unis  a  nostre  Seigneur  Iesus  Christ,  comme  membres  de  son  corps?  Douterons-  nous  maintenant  que  Dieu  nous  aime,  quand  nous  avons  une  telle  confirmation?  ainsi  que  S.  Paul  en  parle  au  cinquieme  chapitre  des  Romains.  Du  temps  (dit-il)  qu'il  y  avoit  guerre  mortelle  entre  Dieu  et  nous,  si  est-ce  qu'encores  voila  Iesus  Christ  qui  est  venu  a  fin  d'abolir  toutes  nos  iniquitez.  Or  quand  nous  sommes  agreables  a  Dieu  et  qu'il  nous  appelle  et  convie  si  doucement  que  rien  plus,  et  nous  monstre  et  certifie  qu'il  a  comme  les  bras  estendus  pour  nous  embrasser  toutesfois  et  quantes  que  nous  viendrons  a  luy,  ne  faut-il  pas  que  toute  doute  soit  mise  sous  le  pied,  et  que  nous  ne  craignions  nulle-