5:293  DE  SACERDOTIO  PAPALI  ABIICIENDO.  rae  est)  quid  tamen  operam  suam  magno  venditent,  cuius  ne  quod  omnino  pretium  exstet,  ipsi  diligenter  provident?  In  re  perspicua  longiori  argumentatione  opus  non  est.  Miseram  plebeculam,  cuius  eruditores  videri  volunt,  quum  tanta  ignorantiae  caligine  excaecatam,  tot  errorum  praestigiis  delusam,  tot  mendaciorum  fascinis  incantatam  et  consopitam  satis  norint  (quod  nemini  quidem  est  incognitum),  sentire  ut  nihil  queat,  nisi  quod  manibus  pedibusque  palpet  atque  attrectet:  quia  tamen  ingenue  verum  dicere  periculosum  est,  nec  suam  vocationem  tanti  aestimant,  ut  fraudi1)  sibi  osse  velint,  in  ea  docenda  obscuritatem  data  opera  et  vafritiem  adhibent,  qua  vel  acutissimum  quemque  fallere  conantur.  Istudne,  quaeso,  docere  est,  quum  apud  rusticanos  homunciones,  natura  non  valde  argutos,  prava  etiam  institutione  hebetatos,  habenda  est  oratio^  sententias  per  se  hominum  ingenio  difficiles,  sic  perplexis  aenigmatibus  implicare,  quo  in  illis  intelligendis  Oedipus  quoque  ipse  laboret?  Nam  si  quid  dicere  eiusmodi  instituunt,  unde  sibi  aliquid  negotii  molestiaeve  fore  suspicentur,  illud  velut  conceptis  verbis  obscurissime  effantur:  ut  si  discrimen  immineat,  tergiversatione  semper  elabi  possint.  Atque  id  potissimum  [pag.  60]  iis  in  rebus  usu  venit,  quas  explicatissime  et  tradi  et  enarrari  christianae  ecclesiae  referebat:  quandoquidem  ut  quidque  ad  stabiliendum  Christi  regnum  maxime  conducit,  ita  Satanae  est  odiosissimum  eiusque  furore  impetitur  acerrime.  Itaque  sic  de  fide  concionantur,  ut  plebis  diffidentiam  nihilo  emendent  magis,^quam  si  tacerent.  Sic  Christum  mediatorem  ostendunt,  ut  in  sanctis  semper  haereatur.  Sic  Dei  gratiam  praedicant,  ut  eadem  meritorum  propriaeque  iustitiae  hallucinatio  semper  maneat.  Sic  verbi  Dei  autoritatem  commendant,  ut  pluris  fiant  fabulosa  hominum  commenta.  Sic  Deum  unum  colendum  docent,  ut  eandem  semper  idololatriam  relinquant.  Sic  de  vera  religione  disserunt,  ut  e  tot  impiis  superstitionibus  nullam  convellant.  Denique  sic  veritatem  proponunt,  ut  stet  mendacium  semper  incolume.  Apagesis  tergiversatoriam  istam  calliditatem  et  perplexitatem  affectatam,  ab  eo  qui  docendi  munus  profitetur:  cuius  prima  est  virtus,  auditorum  captui  sese  attemperare.  A  christiano  vero  doctore  quam  longissime  arceatur,  a  quo  nihil  nisi  sincerissimum  et  simplicissimum  audiri  debet.  Nam  si  docendus  est  populus,  quorsum  istaec  2)  aenigmata,  quae  nihilo  doctiorem  dimittant  audito-  1)  Sic  omnino  legendum,  quanquam  editiones  omnes  habeant  laudi,  sola  principe  excepta  ubi  vitio  operarum  raudi  legitur.  Versio  gallica  sensum  bene  expressisse  nobis  videtur:  ils  n'estiment  pas  tant  leur  vocation  que  pour  la  bien  exercer  ils  veuillent  aucunement  se  mettre  en  danger  de  leurs  personnes.  2)  Ed.  1552  vitiose:  istae;  inde  recentiores  ex  coniectura:  ista.