29:293  293  IN  L  LIB.  SAMUEL,  CAP.  IL  294  annis  loquuti,  conveniunt,  Deum  in  omnibus  suis  consiliis  esse  perfectissimum:  atque  adeo  nos  si  penitius  quam  liceat  eius  secreta  scrutari  susceperimus,  in  immensam  abyssum  demersum  iri,  et  labyrinthum  ingressuros  ex  quo  nullus  detur  exitus.  Sunt  enim  admiranda  Dei  opera,  imo  ipse  fons  est  omnis  sapientiae:  sapientiae,  inquam,  quae  omnem  humanum  captum  superet,  atque  adeo  quam  ipsi  angeli  suspiciunt.  Quis  enim  singula  Dei  opera  expendens  in  sese  non  obruatur  confusione,  si  mente  se  assequuturum  illa  speret?  Meditanda  quidem  illa  sane  sunt  nobis,  sed  nunquam  adeo  perfecte  id  futurum  est,  ut  singulorum  notitiam  assequamur:  verumtamen  sciendum  etiam  ea,  vel  tantillum  a  nobis  delibata,  maximam  utilitatem  allatura:  Deumque  nobis  ex  illis  sui  glorificandi  maximum  argumentum  praeiturum,  atque  omni  fastu  et  arrogantia  deposita,  qua  plerumque  turgidi  mortales  sese  supra  ipsos  angelos  efferunt,  cum  summa  modestia  et  animi  demissione  ipsius  adorandi.  Atque  hinc  conspicuum  est,  quum  scriptura  de  Dei  sapientia  loquitur,  eumque  omnisapientem  vocat,  non  loqui  tantum  de  sapientia  quae  in  Deo  solo  haeret,  sed  quae  sese  in  omnibus  eius  operibus  patefacit.  Quum  igitur  praeter  hominum  exspectationem  aliquid  contingit,  aut  suam  Deus  potentiam  exserit,  quam  tamen  satis  apprehendere  non  possumus,  huius  doctrinae  memores,  sic  illa  Dei  opera  admiremur,  ut  in  omnibus  ipsum  glorificemus  :  ac  licet  omnem  nostrum  captum  et  spem  superent,  quae  illo  duce  suscipimus,  adeo  quidem  ut  unde  faciamus  initium  incerti  simus,  ac  penitus  caecutiamus:  hoc  nobis  sufficiat  si  ipsum  solum  omnisapientem  esse  firma  et  constanti  fide  tenuerimus.  Et  quandoquidem  ipse  Deus  est  scientiarum,  discamus  modeste  de  nobis  sentientes  nos  nostro  pede  metiri,  ac  nostram  cum  ipsius  sapientia  comparare  metuamus:  sed  eius  omnipotentia  freti  sciamus  ipsum  quaecunque  promisit  et  quae  ad  nostram  salutem  esse  necessaria  cognoverit  impleturum,  denique  etiam  praeter  opinionem  pro  nobis  omnia  praestiturum.  Agite  vero,  fratres,  coram  Dei  Opt.  Max.  maiestate  supplices  facti  procumbamus,  ac  peccata  coram  ipso  confitentes  precemur  ut  nos  sancti  sui  spiritus  virtute  regat,  quo  ad  ipsum  non  tantum  veniam  deprecaturi  accedamus,  sed  hac  mente  ut  nos  totos  ipsi  regendos  sic  permittamus,  ne  nobis  ipsis  aut  vanis  opinionibus  nostris  addicti  simus,  sed  ipsemet  pro  suo  arbitrio  regat  nos,  suppeditans  dona  sua  quibus  natura  prorsus  vacui  sumus,  eique  pro  ipsis  acceptis  gratias  immortales  agamus.  Interea  vero  nos  suae  voluntati  conformes  ita  efficiat,  ut  re  ipsa  nos  in  filiorum  ipsius  numerum  ascitos  demonstremus,  quum  patrem  nostrum  ipsum  profitemur,  ete.