25:293  293  REDITUS  AD  HISTORIAM.  294  tur,  deinde  pronomen  Eum  designat  quempiam  cuius  nondum  facta  fuit  mentio,  hoc  vero  satis  tritum  est  Hebraeis,  praesertim  ubi  de  Ierosolyma,  vel  Deo,  vel  de  celeberrimo  aliquo  homine  agitur.  Ergo  xat*  eCoxqv  relativum  hic  ponitur  pro  antecedente.  Quanquam  autem  de  populo  israelitico  agit,  dubium  tamen  est  caputne  an  totum  corpus  designet:  qua  de  re  non  magnopere  contendo,  quia  perinde  est  quoad  summam  rei.  Porro  quod  in  longum  tempus  suas  prophetias  reiicit  Balaam,  facit  ad  solatium  Balac.  Quantum  enim  potest  invidiam  declinat:  ideoque  admonet  si  quid  mali  denunciet,  non  esse  cito  metuendum,  quia  disserit  de  rebus  adhuc  procul  remotis.  Secundum  membrum  haud  dubie  ad  caput  populi  restringitur,  quod  metaphorice  vocatur  stella,  deinde  sine  figura  exprimitur,  geminatio  enim  haec  trita  est  Hebraeis,  qua  rem  unam  bis  commemorant.  Certe  non  aliud  intelligit  sceptri  nomine  quam  quod  per  stellam  significaverat:  ita  felicitatem  populi  locat  in  regno.  Unde  colligimus  statum  eius  non  aliter  fuisse  perfectum  quam  ubi  per  manum  regis  gubernari  coepit.  Nam  quia  in  Christo  fundata  est  adoptio  generis  Abrahae,  illic  nonnisi  scintillae  benedictionis  Dei  micarunt,  donec  in  Christo  ipso  solidus  splendor  fuit  conspicuus.  Notandum  est  igitur,  quod  Balaam  de  gratia  Dei  erga  populum  israeliticum  vaticinari  incipiens,  statim  ad  sceptrum  nos  dirigit,  ac  si  verum  et  certum  divini  favoris  speculum  esset.  Nec  vero  aliter  se  Deus  populo  exhibuit  patrem  quam  per  Christum.  Fateor  quidem  iam  in  Davide  exstitisse  principia  quaedam,  sed  quae  longissime  distarent  a  plena  exhibitione  rei.  Neque  enim  diuturna  fuit  regni  illius  gloria:  imo  statim  maior  dignitas,  decem  tribuum  defectione,  collapsa  est,  et  tandem  prorsus  exstincta:  et  quum  maxime  floruit  Davidis  potentia,  non  tamen  longius  imperium  suum  extendit  quam  ad  vicinas  gentes.  Ergo  progressus  stellae  et  sceptri  de  quo  loquitur  Balaam,  joroprie  ad  Christum  spectat,  atque  huic  vaticinio  respondet  quod  legitur  in  Psalmo  (110,  2),  sceptrum  fortitudinis  tuae  emittet  Deus  ex  Sion.  Undesequitur  benedictionem  de  qua  loquitur  Balaam  ad  nos  usque  diffundi:  quia  si  a  sceptro  tanquam  a  suo  genuino  fonte  profluxit  veteris  populi  felicitas,  quies,  status  recte  compositus,  dignitas,  salus,  gloria,  non  dubium  quin  Christus  suo  adventu  haec  omnia  plenius  nobis  praestiterit.  Subiicitur  tanquam  regni  appendix  subversio  gentis  Moab.  Ac  primo  quidem  denunciat  Balaam,  principes  eius  confossum  iri.  Si  cui  magis  placeat  legere  Angulos,  metaphorice  erit  loquutio,  ac  si  dictum  esset:  Penetrabit  munitiones,  vel  franget  quod  videtur  maxime  solidum.  Non  dubito  idem  confirmari  per  filios  Seth.  Nam  qui  generaliter  accipiunt  de  toto  humano  genere,  textum  suo  commento  violenter  detorquent.  Sermo-