6:292  Pighius  interpretatur,  quasi  dixerim  eorum  unumquemque  secum  dissidere.  Sed  quis  putidum  hunc  calumniatorem  ferat?  Obscure  vero  et  perplexe  loqui  cur  non  dixero,  qui  de  homine  sic  loquuntur,  quasi  in  sua  integritate  adhuc  staret,  quum  in  gravem  ruinam  ceciderit,  unde  surgere  sua  virtute  non  potest?  qui  liberi  arbitrii  potentiam  sic  in  homine  constituant,  quasi  per  lapsum  non  amissa  esset?  Verum  quia  de  hac  re  litigare  nimis  longum  esset,  nihil  addam  amplius:  nisi  quod  scire  ex  eo  velim,  quo  sensu  alibi1)  prodat,  ante  exortam  Pelagii  haeresim,  veteres  omnes  liberum  arbitrium  indistinctius  extulisse.  Si  sublata  gratiae  Dei  et  humanae  virtutis  distinctione  facilis  [pag.  83]  est  et  expedita  perspicuitas,  errasse  me  fateor.  Sin  vero  in  illa  confusione  lectorem  haerere  necesse  est,  dubium  et  anxium,  quantum  Deo  adscribere,  quantum  homini  relinquere  debeat,  cur  ita,  quum  nihil  deliquerim,  atrociter  vexor?  IN  LIBRUM  TERTIUM.  Sequitur  tertius  liber,  quem  totum  Augustino  destinavit.  Nam  quia  illum  unum  ex  aliorum  numero  exceperam,  non  modo  eum  mihi  eripere,  sed  etiam  in  suas  partes  pertrahere  conatur.  Hoc,  inquam,  initio  profitetur:  sed  ubi  paululum  in  rem  ipsam  ingressus  est,  saepe  restitat  et  haeret,  nunc  subterfugia  quaeritat,  nunc  palam  ipsum,  quem  sibi  adiungere  proposuerat,  Augustinum  repudiat.  Quid  autem  prodest,  inflatis  buccis  nihil  non  polliceri,  tum  ubi  lectorum  desiderium  simul  et  attentionem  acueris,  hiantes  ipsos  dimittere?  Ego  vero  efficiam  primum  ut  perspiciant  omnes  integri  iudicii,  et  erga  veritatem  non  male  affecti  lectores,  Pighium  non  amore  sanae  doctrinae,  sed  importuno  et  furioso  nostri  odio,  ad  hanc  causam  accessisse:  in  ea  tractanda  non  veri  inveniendi  studio,  sed  ambitione  ac  rixandi  libidine  agi  atque  impelli.  Postremo  nihil  sincere  aut  candide  agere,  sed  satis  habere,  si  quovis  modo  legentium  oculos  perstringat,  imo  laudem  ex  calliditate  et  fallendi  peritia  captare.  Deinde  quod  unum  saltem  ex  veteribus  Augustinum  nobis  suffragari  asserui,  fidem  ut  in  eo  meam  atque  ingenuitatem  agnoscant.  Primum,  abruptas  me  nec  intellectas  ex  Augustino  sententias  citare  causatur.  At  quas?  Quod  scribit  non  esse  liberam  sine  spiritu  hominis  voluntatem,  quum-cupiditatibus  vincentibus  et  vincientibus  teneatur.  Notavi  locum:  in  epistola  144.  ad  Anastasium  id  habetur.  Quid  [pag.  84]  hic  abruptum  aut  obscurum?  Item,  quod  in  libello  de  per-  1)  Libr.  3  circa  principium.