52:292  parit,  quod  in  rebus  liberis  imponitur  necessitas��  Nam  mundus  facile  ab  eo  se  prohiberi  sinit,  quod  per  Deum  licitum  erat,  ut  impune  Dei  leges  sibi  transgredi  liceat.  Hic  ergo  Paulus  in  persona  Timothei  non  Ephesios  modo,  sed  omnes  ubique  terrarum  ecclesias  praemonet  de  fucatis  doctoribus,  qui,  fictitios  cultus  instituendo  et  conscientias  illaqueando  novis  legibus,  verum  Dei  cultum  adulterant  et  corrumpunt  puram  fidei  doctrinam.  Hic  proprius  est  scopus:  quem  notari  inprimis  est  necesse.  Porro  quo  maiore  attentione  excipiant  omnes  quod  dicturus  est,  praefatur  certum  esse  et  minime  obscurum  oraculum  spiritus  sancti.  Non  est  quidem  dubium  quin  reliqua  ex  eodem  spiritu  hauserit:  verum  utcunque  semper  audiendus  sit  tanquam  Christi  organum,  tamen  in  causa  magni  ponderis  peculiariter  voluit  hoc  testatum,  nihil  se  proferre  nisi  ex  spiritu  prophetiae.  Solenni  itaque  praeconio  nobis  hanc  prophetiam  commendat:  nec  eo  contentus,  addit  esse  claram,  nec  ullo  aenigmate  implicitam.  In  posterioribus��  Hoc  vero  nemo  tunc  exspectasset,  ut  in  tanta  evangelii  luce  deficerent.  Sed  hoc  est  scilicet  quod  dicit  Petrus,  falsos  doctores,  sicut  populo  israelitico  molesti  olim  fuerunt,  ita  christianae  ecclesiae  semper  fore  infestos  (2.  Pet.  3,3).  Perinde  ergo  est  ac  si  diceret,  Nunc  floret  evangelii  doctrina:  sed  non  diu  quiescet  Satan,  quin  zizaniis  suffocare  studeat  purum  semen.  Proderat  haec  admonitio  sacculo  Pauli,  ut  sedulo  instantes  purae  doctrinae  tam  pastores  quam  reliqui  non  circumvenirentur.  Nobis  hodie  non  minus  est  utilis,  quum  nihil  cernimus  accidisse  quod  non  fuerit  diserto  spiritus  vaticinio  praedictum.  Animadvertere  praeterea  hic  licet  quantam  ecclesiae  suae  curam  agat  Deus,  dum  ita  mature  occurrit  periculis.  Multiplices  quidem  artes  habet  Satan  quibus  in  errorem  nos  inducat,  et  miris  insidiis  nos  adoritur:  verum  ex  adverso  satis  munit  nos  Dominus,  nisi  sponte  decipi  nobis  liberet.  Quare  non  est  quod  queramur  potentiores  esse  tenebras  luce,  aut  superari  veritatem  a  mendacio:  sed  potius  nostrae  incuriae  ignaviaeque  poenas  damus,  quum  abducimur  a  recta  salutis  via.  Sed  obiiciunt  qui  sibi  in  suis  erroribus  indulgent,  vix  posse  discerni  quosnam  aut  quales  designet  Paulus.  Quasi  vero  spiritus  hanc  prophetiam  de  nihilo  ediderit  et  tanto  ante  promulgaverit.  Nam  si  nullum  est  certum  discrimen,  supervacua  foret,  adeoque  ridicula  tota  praesens  admonitio:  sed  absit  ut  frustra  nos  territari  putemus  a  Dei  spiritu,  periculi  denuntiatione  non  simul  ostendi  cavendi  rationem.  Atque  illam  calumniam  satis  per  se  refutant  Pauli  verba.  Nam  quasi  digito  ostendit  malum,  quod  fugiendum  monet.  Neque  enim  in  genere  de  pseudoprophetis  verba  facit,  sed  clare  speciem  exprimit  falsae  doctrinae:  nempe  quae,  pie-