51:292  ceste  cause  que  Zacharie  l'appelle  la  science  de  salut.  Apres,  de  scavoir  ou  il  nous  faut  cercher  la  remission  de  nos  pechez,  cela  est  de  necessite.  Car  si  nous  n'avons  Iesus  Christ,  nous  demeurons  tousiours  ennemis  de  Dieu,  nous  n'avons  nul  appointement  ni  repos  en  nous,  et  faut  que  le  iugement  de,Dieu  nous  persecute:  mais  Iesus  Christ  est  nostre  paix.  Au  reste,  quand  nous  aurons  cognu  les  choses  qui  nous  sont  testifiees  par  sa  parole,  il  nous  faut  quant  et  quant  adorer  les  secrets  qui  nous  sont  cachez,  comme  il  en  a  desia  este  parle,  et  faudra  encores  derechef  traitter  de  l'election  de  Dieu:  et  S.  Paul  met  encore  ici  le  mot  d'ordonner  auparavant,  pour  monstrer  que  Dieu  nous  a  predestinez  devant  la  creation  du  monde,  et  cependant  cela  estoit  cache.  Voire,  mais  il  nous  est  declare  maintenant,  dit-il.  Voila  donc  en  somme  ce  que  nous  avons  a  retenir:  c'est  que  nous  n'avons  point  este  appelez  a  la  cognoissance  de  l'Evangile  par  nostre  industrie,  ne  que  nul  de  nous  se  soit  avance,  ne  qu'il  ait  oblige  Dieu  envers  luy  par  quelque  vertu.  Mais  Dieu  par  sa  bonte  infinie  nous  a  voulu  illuminer,  et  l'a  fait  non  pas  qu'il  s'en  soit  advise  soudain,  comme  les  hommes  auront  des  bouffees:  mais  il  estoit  ainsi  establi  en  son  conseil,  et  l'a  este  de  tout  temps.  Au  reste,  si  nos  esprits  fretillent  et  nous  sollicitent  de  nous  enquerir,  Et  comment?  Dieu  nous  avoitil  eleus  auparavant?  Et  que  ne  nous  l'a-ii  manifeste  plustost?  Comment  cela  ne  s'est-il  point  apperceu?  A  fin  donc  que  nous  ne  prenions  point  une  telle  audace,  S.  Paul  dit  que  ce  conseil  a  este  comme  enserre  en  Dieu,  iusques  a  ce  que  nous  en  avons  eu  le  tesmoignage.  Et  ainsi  en  somme,  il  ne  nous  est  point  licite  de  scavoir  sinon  ce  qui  nous  est  annonce  en  l'Evangile,  et  du  reste  il  nous  le  faut  adorer.  Et  pour  ceste  cause  il  adiouste  que  c'a  este  pour  le  dispenser  en  la  plenitude  des  temps.  Or  en  cela  il  monstre  que  les  hommes  ont  beau  se  tormenter,  mais  qu'ils  defaudront,  et  que  tous  leurs  esprits  s'esvanouiront  en  leurs  pensees,  quand  ils  voudront  scavoir  plus  que  Dieu  ne  leur  a  permis.  Car  si  quelqu'un  s'enquiert  pourquoy  Dieu  ne  s'est  hasto  plustost,  en  cela  desia  il  monstre  qu'il  voudroit  estre  plus  sage  que  luy.  Et  ne  voila  point  une  fierte  diabolique?  La  creature  est-elle  digne  que  la  terre  la  soustienne,  quand  elle  s'esleve  si  haut?  Pour  ceste  cause  S.  Paul  dit  que  c'est  a  Dieu  qu'il  appartient  d'ordonner.  Car  si  un  homme  en  sa  maison  declare,  Ie  veux  que  mes  gens  soyent  ainsi  nourris,  qu'ils  boyvent  tel  bruvage,  qu'ils  mangent  de  tel  pain,  qu'ils  soyent  ainsi  couchez:  combien  plus  devons-nous  permettre  a  Dieu?  Pourquoy  estce  qu'il  aura  moins  de  privilege  que  les  vers  de  terre?  Ainsi  apprenons  de  laisser  ceste  authorite