50:292  Et  notamment  il  dit  que  Iesus  Christ  s'est  donne:  a  fin  que  nous  apprehensions  plus  hardiment  son  amour.  Car  nous  voyons  ici  comme  ii  n'a  point  espargne  son  corps  et  son  ame  quand  il  s'est  expose  pour  faire  l'appointement  entre  Dieu  et  nous,  que  nostre  Seigneur  Iesus  a  endure  des  angoisses  extremes  en  son  ame,  comme  estant  la  nostre  pleige,  et  qui  soustenoit  Tire  de  Dieu  en  nostre  nom.  En  son  corps  aussi  il  a  endure  toute  ignominie  et  vergongne,  et  puis  des  tormens  les  plus  horribles  qu'il  est  possible  de  penser:  et  tout  cela  (comme  i'ay  desia  dit)  nous  monstre  assez  que  l'amour  qu'il  nous  porte  est  inestimable,  de  s'estre  ainsi  oublie  a  cause  de  nostre  salut.  Mais  cependant  encores  sainct  Paul  nous  ramene  a  la  volonte  de  Dieu,  pour  monstrer  quand  nostre  Seigneur  Iesus  Christ  a  ainsi  accompli  tout  ce  qui  appartenoit  a  nostre  salut,  que  ce  n'a  pas  este  que  Dieu  cependant  n'ait  la  declare  sa  misericorde:  comme  il  est  dit  en  l'autre  passage,  que  Dieu  a  tant  aime  le  monde  qu'il  n'a  point  espargne  son  Fils  unique,  mais  l'a  livre  a  la  mort  pour  nous.  Afin  donc  que  nous  ne  pensions  pas  que  Iesus  Christ  soit  venu  pour  appaiser  Dieu  son  Pere,  tellement  qu'il  l'ait  induit  a  changer  propos,  comme  les  hommes  sont  enclins  a  telles  fantasies  si  lourdes  et  terrestres:  S.  Paul  nous  monstre  que  Dieu  n'a  point  este  appointe  avec  nous  a  la  facon  des  hommes,  notamment  exprime  que  Iesus  Christ  s'est  livre  pour  nos  pechez,  d'autant  que  Dieu  l'avoit  ainsi  ordonne.  Car  s'il  y  a  un  homme  fasche  contre  son  enfant,  il  y  pourra  venir  quelque  moyenneur  qui  pourra  appaiser  sa  colere,  et  celuy-la  fera  l'office  d'un  tiers:  mais  il  n'est  pas  ainsi  de  nostre  Seigneur  Iesus  Christ  quand  il  s'est  presente  en  sacrifice,  a  fin  d'abolir  toutes  nos  iniquitez,  et  de  nous  faire  approcher  de  Dieu,  duquel  auparavant  nous  estions  divisez.  Ce  n'est  pas  qu'il  soit  venu  comme  de  soy-mesme,  et  que  Dieu  ne  s'en  soit  point  mesle.  Quoy  donc?  Dieu  (comme  il  a  este  n'agueres  traitte)  nous  a  hays  et  nous  a  aimez  devant  la  reconciliation.  Et  comment  aimez?  Pour  ce  que  nous  sommes  ses  creatures:  et  puis  combien  qu'il  nous  vist  si  miserables,  qu'a  cause  du  peche  nous  sommes  gens  perdus  et  damnez,  toutesfois  si  estce  qu'encores  il  a  eu  pitie  du  genre  humain,  et  n'a  pas  voulu  qu'il  perist  du  tout.  Voila  comme  Dieu  nous  a  aimez  encores  que  nous  fussions  decheus  en  la  personne  d'Adam,  et  que  nous  fussions  corrompus  du  tout.  Cependant  il  nous  a  hays,  voire  "pour  ce  qu'il  est  la  fontaine  de  toute  iustice.  Il  a  donc  eu  en  detestation  le  mal  qui  estoit  en  nous:  et  pour  ceste  cause  il  a  falu  qu'il  y  eust  appointement  au  sang  de  nostre  Seigneur  Iesus  Christ,  et  au  sacrifice  qu'il  a  offert.  Mais  cependant  ce  n'est  pas  qu'il  salle  attribuer  ce-bien-la  a