5:292  comedistis,  quod  pingue  erat  occidistis:  lanis  fuistis  operti,  gregem  autem  meum  non  pavistis  :  quod  infirmum  fuit  non  stabilistis,  aegrotum  non  sanastis,  confractum  non  alligastis,  abiectum  non  reduxistis,  quod  perierat  non  quaesistis:  sed  cum  austeritate  imperastis  gregi,  et  potentia:  et  dispersae  sunt  oves  meae,  eo  quod  non  esset  pastor,  et  factae  sunt  in  devorationem,  nec  erat  qui  requireret:  non  erat,  inquam,  qui  requireret.  Propterea,  pastores,  audite  verbum  Domini  :  vivo  ego,  dicit  Dominus  :  quia  factae  sunt  oves  meae  in  rapinam  ac  devorationem  bestiis  agrestibus,  eo  quod  pastore  carerent  (nec  enim  eas  requirebatis,  sed  tantum  pascebatis  vosmet  ipsos),  ideo  ecce  ego  gregem  meum  requiram  de  manu  vestra  :  et  cessare  vos  faciam,  ne  ultra  gregem  meum  pascatis:  liberaboque  ipsum  ex  ore  vestro,  ne  sit  posthac  vobis  in  escam.  Tu  scilicet  aut  his  designari  te  negabis,  quae  non  tam  vitae  tuae  faciem  ad  vivum  depingunt,  quam  te  tibi  totum  velut  in  speculo  repraesentant  ?  Aut  iudicium  Domini  inane  terriculamentum  esse  dices,  quod  minus  feriat,  quam  minatur?  Quamobrem  non  est  cur  istis  opibus  iam  te  beatum  putes,  quarum  et  te  furem  esse  vociferatur  Dominus,  et  repetundarum  postulat.  Furti  ergo  sacrilegiique  ignominiam  nec  tu  nec  unus  1)  e  cornuto  illo  [pag.  59]  grege,  infitiari  potestis.  Ferum,  quoniam  nonnullos  inferioris  classis  pastores  istic  esse  audio  (ex  eorum  scilicet  ordine,  quos  et  paroecos  et  curiones  vulgo  appellant)  qui  aliqua  officii  sui  particula  utcunque  defungantur,  hocque  praetextu  sese  tueri  plane  conentur,  quod  paulo  quam  alii  verecundius  delinquunt,  illi  mihi  sunt  paulisper  hoc  loco  appellandi.  Quo  autem  intelligant,  quam  non  sim  malignus  aestimator  qualiscunque  istius,  quam  pascendis  ecclesiis  impendunt,  sedulitatis,  plus  aliquid  ultro  illis  dabo,  quam  postulare  ausint.  Tametsi  eas  ut  plurimum  ecclesias,  quibus  praefecti  sunt,  non  incolunt:  adsunt  tamen  ad  solennes  multos  dies,  verba  pauca  pro  concione  faciunt,  populo  semina  quaedam  pietatis  aspergunt,  ac  guttas  veluti  quasdam  instillant  purioris  doctrinae,  neque  illaudati  discedunt  totius  suae  plebis  suffragiis.  Atqui  si  haec  officiola  ipsorum,  ad  eam,  quam  ex  Dei  verbo  descripsimus,  regulam  exigantur,  immane  quantum  a  veris  etiamnum  pastoribus  aberunt:  qui  cum  tota  illa  sua  sedulitate  nihil  aliud,  quam  infideliter  sese  in  opere  Domini  versari  produnt.  Hoc  enim  ut  dissimulem,  muneri  suo  minime  ipsos  respondere,  nisi  tempestive  simul  et  intempestive  instando  (2  Tim.  4,  2),  arguendo,  increpando,  exhortando,  cum  omni  lenitate  et  doctrina  (quorum  omnium  illis  nihil  cu-  1)  Sic  edd.  principes  1537  et  1550;  1O76  seqq.  nec  tu  nec  ullus.  Et  sic  quoque  versio  gallica:  toy  et  tout  tant  qu'il  y  a  d'Evesques  cornua.  Gallasii  editio,  quod  mirabei  isy  in  textu  tantum:  nec  unus,  in  margine  *  nec  tu.