25:292  Balac  libenter  acquiescat.  Caeterum  ubi  adiungit  novissimos  dies,  significat  nullam  esse  causam  cur  sibi  metuat  Balac,  vel  sollicitus  sit:  quoniam  in  longum  tempus  differenda  erat  gentis  illius  poena.  Interim  tamen  videmus  quid  tumultuando  profecerit  Balac.  Nam  qui  hactenus  audierat  tantum  populum  benedici,  cogitur  audire  quod  tristius  est,  de  populi  sui  ruina.  Haec  est  eorum  merces  qui  adversus  Deum  luctantur.  15.  Dixit  Balaam  filius  Beor.  Quia  de  rebus  maximis  disserere  cogitabat  non  abs  re  iterum  praefatur,  quo  plus  autoritatis  suo  vaticinio  conciliet.  Etsi  autem  non  sine  ambitione  efflavit  haec  magnifica  elogia,  dubium  tamen  non  est  quin  illis  sancire  Deus  voluerit  quod  per  os  prophetae  proferre  statuerat.  Oportuit  hominem  nihili  (cuius  alioqui  contemptibilis  esset  doctrina)  divinitus  insigniri:  quo  fit  ut  alienam  personam  induat,  in  se  transferens  quae  eveniunt  veris  prophetis.  Prius  exposui  clausum  oculum  et  apertum  in  eundem  finem  poni,  quamvis  diversa  ratione.  Reconditum  enim  oculum  vocat,  qui  cernat  res  occultas  quasi  in  tenebris,  et  sensu  humano  incomprehensibiles,  apertos  autem  oculos  sibi  vendicat,  quia  prophetica  visione  speculetur  quae  dicturus  est:  ac  si  negaret  verba  se  facturum  de  rebus  obscuris  et  parum  compertis.  EX  EODEM  CAPITE.  17.  Video  eum:  sed  non  modo:  intueor  Ulum:  sed  non  prope:  procedet  stella  ex  Iacob,  et  surget  sceptrum  ex  Israele:  et  confodiet  principes*)  Moab,  et  destruet  omnes  filios  Seth.  18.  Et  erit  Edom  possessa  et  possidebitur  Seir  ab  inimicis  Seir,  et  Israel  facit  virtutem.  19.  Et  dominabitur  ex  Iacob,  et  perdet  reliquias  ex  civitate.  20.  Et  quum  vidisset  Amalec,  assumpsit  parabolam  suam,  et  dixit:  Principium  gentium  Amalec,  ideo  novissimum  eius  usque  ad  perditionem.  21.  Viso  etiam  Cenaeo,  assumpsit  parabolam  suam,  et  dixit:  Bobustum  habitaculum  tuum,  et  ponis  in  petra  nidum  tuum.  22.  Certe  expelletur  Cain,  usquequo  Assur  captivum  te  ducet.  23.  Assumpsit  item  parabolam,  et  dixit:  Vae  quis  vivet  quum  statuerit  istud?  24.  Et  naves  e  littore  Citthim  quae  affligant  Assur,  affligent  Heber,  sed  hoc  quoque  usque  ad  perditionem.  25.  Surrexit  itaque  Balaam,  et  abiit  reversusque  est  in  locum  suum:  atque  etiam  Balac  abiit  in  viam  suam.  17.  Video  eum.  Sunt  quidem  verba  futuri  temporis,  sed  quae  pro  tempore  praesenti  sumun-  1)  In  margine:  vel,  Angulos.