15:292  7.  Hoc  est  signum  quod  admonet  vos  de  corpore  meo  quo  modo  pro  vobis  traditum  vos  vivificet.  P.  Martyris  verba  sunt  in  tractatione  de  Eucharistia  :  Nihil  aliud  egit  in  coena  Christus  quam  quod  propositionem  transposuit.  Et  sicut  antea  dixerat  (Ioh.  VI.)  corpus  suum  et  carnem  esse  panem  ita  nunc  e  diverso  ostendendo  panem  protulit:  hoc  est  corpus  meum.  Sit  itaque  sensus:  Do  vobis  panem  ut  edatis  et  interim  propono  vobis  corpus  meum  io  crucem  agendum  ut  ipsum  fideli  memoria  et  mente  attentissima  apud  vosmet  ipsos  spiritualiter  comedatis,  utque  corpore  editis  panem  ita  mente  vescumini  carne  mea.  Ingens  videlicet  hic  etiam  piaculum  sacramentarii  cum  Irenaeo  et  aliis  ecclesiae  doctoribus  committunt,  quod  in  sacramento  duas  res  offerri  et  percipi  docuerunt,  alteram  corpore,  alteram  fideli  mente  ac  spiritu.  8.  Hoc  est  memoriale  corporis  mei.  9.  Hoc  est  meum  corpus  quatenus  pro  vobis  datum  est.  10.  Haec  est  commemoratio  corporis  qnod  pro  vobis  datur.  11.  Hoc  est  symbolum  vos  ab  uno  eodemque  corpore  redemptos.  Hae  sunt  opiniones  pugnantes  Io.  Oecolampadii  quae  poterant  coniungi  (usque  adeo  discrepant)  nisi  magister  noster  gavisus  fuisset  ingenti  farragine  ac  chao.  Quod  alibi  etiam  fecit,  ut  videamus,  qua  dexteritate  hic  etiam  artifex  illam  tabulam  suam  fabrefecerit.  Oecolampadius  ad  Theobaldum  Billicanuni  ita  scripsit  :  Accipere,  comedere,  ad  panem  referuntur:  habere  memoriam,  ad  corpus.  Exposuimus  ergo  ut  hoc,  id  est  panis,  sit  corpus,  id  est  memoriale  vel  figura  corporis.  Sed  quo  modo?  In  hoc  sit  memoriale,  quia  corpus  vel  quatenus  pro  nobis  traditum  est.  Et  postea:  Sanguinem  testamenti  non  possumus  aliter  interpretari  quam  commemorationem  testamenti.  Et  alibi:  Sanguis  erit  commemoratio  sanguinis  per  quem  testamentum  confirmatum  est,  et  corpus  commemoratio  corporis  quod  pro  nobis  traditum  est.  Haec  vero  dicit  explanans  quid  sit:  facite  hoc  in  mei  commemorationem.  Et  in  scripto  ad  Ecclesiastas  Sueviae,  tractans  verba  D.  Pauli  1.  Cor.  X.:  Symbolum  panis,  inquit,  quem  mystico  ritu  partimur,  testatur  communiter  nos  redemptos.  Et  reliqua.  Ubi  Ioachimus  non  simpliciter  deliquit  male  citando  verba  Oecolampadii.  12.  Haec  est  protesfatio  et  (nvfjfiodvvov  mewum  beneficiorum.  Martinus  Bucerus  in  Apologia  de  Coena  Domini  loquitur  in  genere  de  sacramentis,  symbola  esse  nostrae  religionis,  fidei  protestationes  et  beneficiorum  Dei  quaedam  fivrj^iouvva  i.  e  memoracula  quaedam.  Id  Ioachimus  torsit  ad  unicam  sacramentorum  speciem  :  quod  et  in  Calvini  sententiis  fecit.  Addidit  autem  Bucerus:  Panis  et  vinum  eucharistiae  sunt  signa  corporis  et  sanguinis  Christi,