10.1:292  conscientia  mea  non  ferebat,  quemadmodum  et  supra  Dei  verbo  repugnare  ostendi,  abstinuerim,  ne  contaminaret  proptereaque  factum  sit,  ut  quod  minime  volebam,  tuam  maiestatem  forte  ofienderim,  Caesar:  nihilominus  tamen  cum  Daniele  profitebor,  nihil  me  commisisse,  quod  tibi  molestum  esse  debuerit.  Ut  enim  Daniel  quum  non  pareret  principis  sui  edicto,  quod  ille  malorum  hominum  consilio  ediderat,  nihilominus  officium  suum  fecit,  et  obsequium  quod  illi  debebatur  reddidit:  sic  et  ego  existimo  non  minus  vel  officiosum  vel  morigerum  esse  me,  ut  qui  nihil  in  te  deliquerim:  sed  tantum  reiecerim,  quod  Dominus  non  patiebatur  me  amplecti.  Atque  ut  hanc  meam  excusationem  accipias,  Caesar,  vehementer  a  tua  maiestate  peto:  et  eo  quidem  [pag  45]  magis,  quod  nihil  mihi  gravius  sit  tua  indignatione.  Si  mihi  conscius  essem  iniustae  alicuius  offensionis,  equidem  me  offerrem  supplicio,  potius  quam  tali  tantoque  lugentis  animi  moerore  oppressus  viverem.  Sed  quum  satis  constet,  nulla  iusta  causa  adversarios  tuam  erga  [me]  maiestatem  irritasse:  quid  facere  possum,  quam  ut  et  a  te  supplex  petam,  velis  meam  innocentiam  cognoscere,  et  Dominum  orem,  ut  affectus  erga  te  meos  tibi  patefaciat?  Eos  enim  si  propius  inspexisses,  Caesar,  facile  te  placare  possent.  Saltem  intelligeres,  nil  me  unquam  optasse,  vel  nunc  etiam  optare,  quam  sub  tuo  imperio  vitam  degere  in  iusto  Dei  timore:  quod  si  mihi  Dominus  aliquando  tribuerit,  ut  audita  cognitaque  causa  probes  hanc  meam  excusationem,  praeclare  admodum  mecum  actum  esse  existimabo.  Interim  tamen  ea  me  reficiet  maxima  consolatio,  rectam  hic  esse  meam  puramque  coram  Deo  et  eius  angelis  conscientiam:  idque  etiam  hominibus  manifestum  fore,  si  perspecta  fuerit  aliquando  compertaque  veritas.  Jacobus  a  Burgundia  Lectori.  Iam  biennium  fere  praeteriit,  ex  quo  apologiam  hanc  meam  conscripseram,  eo  quidem  consilio,  ut  Caesareae  maiestati  oblata,  me  purgaret  a  calumniis  ac  vindicaret,  quas  homines  malevoli  vel  potius  Christi  sanaeque  doctrinae  hostes  de  me  sparserant.  Sed  multa  inter  id  tempus  acciderunt,  quae  hactenus  fuerunt  obstaculo,  quominus  e  manibus  meis  exiret.  Toto  enim  anni  decursu,  gravi  et  continuo  morbo  vexatus  fui  ut  de  ineunda  ratione  cogitare  non  licuerit  Tunc  quoque  aut  paulo  post  dissipatus  fuit  rumor,  Caesarem  Argentorato,  l)  ubi  manebam,  iter  facturum  esse.  1)  Argentoratum?  Haec  mihi  perquam  opportuna  fuisset  facultas,  me  et  conscriptam  a  me  defensionem  eius  maiestati  offerendi.  Verum  quum  haec  spes  me  frustrata  esset,  quia  alio  deflexerat:  dedi  operam,  quoad  in  me  fuit,  ut  Ratisbonae  illi  offerretur.  Atque  hac  de  re  legatos  principum  protestantium,  misso  illuc  nuncio  rogavi:  qui  has  partes  suscipere  non  recusassent,  nisi  iam  aliqua  suspicio  oriri  coepisset  istorum  motuum,  qui  postea  sequuti  sunt.  Interea  exspectabam,  dum  componerentur  controversiae,  ac  imperii  ordines  cum  capite  in  gratiam  redirent.  Quae  etiam  optima  fuisset  opportunitas  conciliandi  mihi  ad  Caesaream  maiestatem  aditus.  Sed  videmus  ut  adhuc  malum  duret,  magno  piorum  omnium  moerore  ac  gemitu:  quibus