55:291  291  EPIST.  PETRI  I  292  omnem  nostrae  dignitatis  ac  meriti  respectum  excludi.  Nam  quod  Deus  per  evangelii  praedicationem  HOB  ad  BO  invitat,  id  iam  est  gratuitum,  maioris  etiam  gratiae,  quod  essicaciter  corda  nostra  afficit,  ut  voci  suae  obediamus.  Fideles  autem  peculiariter  alloquitur  Petrus  :  ideo  cum  externa  doctrina,  spiritus  efficaciam  coniungit.  Pro  tribus  verbis,  quae  sequuntur,  alii  codices  habent  tria  nomina  ablativi  casus,  quae  possunt  in  gerundia  resolvi,  fulciendo,  roborando,  stabiliendo.  In  eo  tamen  parum  est  momenti,  quod  ad  sensum  attinet.  Caeterum  quod  pluribus  verbis  rem  unam  designat  Petrus,  nempe  fidelium  confirmationem,  hoc  ideo  facit  ut  sciamus  rarae  esse  difficultatis  cursum  nostrum  persequi,  et  proinde  singulari  Dei  gratia  opus  esse.  Particula  paulisper  afflictos,  quae  hic  inserta  est,  significat  breve  esse  afflictionum  tempus.  Atque  haec  quoque  non  levis  est  consolationis  materia.  11.  Ei  gloria.  Quo  plus  fiduciae  piis  addat,  statim  prorumpit  in  gratiarum  actionem.  Quamquam  hoc  tam  indicativo,  quam  optandi  modo  legi  potest:  eodem  tamen  fere  sensu.  12.  Per  Silvanum  vobis  fidum  fratrem  (ut  arbitror)  paucis  scripsi,  exhortans  et  testificans  hanc  esse  veram  gratiam  in  qua  statis.  13.  Salutat  vos  quae  in  Babylone  est  ecclesia  simul  vobiscum  electa,  et  Marcus  filius  meus.  14.  Salutate  vos  invicem  in  osculo  caritatis.  Gratia  vobis  omnibus,  qui  estis  m  Christo  Iesu.  12.  Per  Silvanum.  Hac  epistolae  clausula  eos  ad  fidei  constantiam  hortatur:  imo  hoc  scribendi  consilium  sibi  fuisse  asserit,  ut  eos  in  doctrinae,  quam  amplexi  erant,  obedientia  retineret.  Sed  primo  epistolam  a  brevitate  commendat,  ne  illis  molesta  sit  lectio:  deinde  addit  brevem  nuntii  commendationem,  ut  viva  etiam  vox  ad  scriptum  accedat.  Huc  enim  spectat  testimonium  quod  reddit  eius  fidei.  Caeterum  exceptio  haec  ut  arbitror  vel  modestiae  causa  addita  est,  vel  ut  certo  sciant  eum  ex  animi  sui  sensu  loqui.  Erat  autem  absurdum  ipsos  tanti  apostoli  iudicio  non  subscribere.  Exhortans  et  testificans.  Quam  difficile  sit  in  suscepta  fide  perstare,  testes  sunt  quotidianae  multorum  defectiones:  nec  vero  id  mirum  est  in  tanta  hominum  levitate  et  inconstantia,  deinde  in  tanta