52:291  291  EPIST.  PAULI  AD  TIMOTHEUM  I  292  Quam  vero  nova  res  et  insolens  fuerit  gentium  vocatio,  diximus  secundo  ad  Ephesios  capite.  Nec  mirum  est,  angelis  fuisse  novum  spectaculum:  qui  tametsi  de  humani  generis  redemptione  cognoverant,  modum  tamen  non  tenuerunt  ab  initio:  et  celatos  ideo  oportuit,  quo  plus  admirationis  haberet  tanta  Dei  bonitas.  Fidem  obtinuit  in  mundo.  Iam  illud  erat  in  primis  admirabile,  quod  eiusdem  revelationis  et  gentes  profanas,  et  angelos,  perpetuos  regni  sui  haeredes,  aeque  compotes  fecerat  Deus.  Sed  tanta  etiam  Evangelii  praedicati  efficacia  miraculum  fuit  non  vulgare,  quum  Christus,  tot  superatis  impedimentis,  in  obedientiam  fidei  subegit,  qui  videbantur  esse  prorsus  indomabiles.  Nihil  certe  minus  credibile  videbatur:  adeo  aditus  omnes  praeclusi  erant  et  obserati.  Fides  tamen  eluctata  est,  sed  incredibili  victoriae  genere.  Postremo  in  gloriam  receptum  esse  dicit:  nempe  ab  hac  mortali  et  aerumnosa  vita.  Ergo  sicuti  in  mundo  quoad  fidei  obedientiam,  ita  et  in  Christi  persona  mira  fuit  conversio,  dum  ex  tam  abiecta  servi  conditione  evectus  est  ad  dexteram  Patris,  ut  illi  flectatur  omne  genu.  CAPUT  IY.  1.  Spiritus  autem  clare  dicit  quod  in  posterioribus  temporibus  desciscent  quidam  a  fide,  attendentes  spiritibus  impostoribus  et  doctrinis  daemoniorum,  2.  in  hypocrisi  falsiloquorum,  cauterio  notatam  habentium  conscientiam,  3.  prohibentium  matrimonia  contrahere,  Mentium  abstinere  a  cibis  quos  Deus  creavit  ad  percipiendum  cum  gratiarum  actione  fidelibus,  et  qui  cognoverunt  veritatem,  4.  quod  omnis  creatura  Dei  bona,  et  nihil  reiiciendum  quod  cum  gratiarum  actione  sumatur.  5.  Sanctificatur  enim  per  sermonem  Dei  et  precationem.  1.  Spiritus  autem.  Diligenter  admonuerat  de  multis  Timotheum.  Iam  necessitatem  ostendit:  quia  occurrendum  sit  periculo  quod  imminere  spiritus  sanctus  denuntiat,  venturos  scilicet  falsos  doctores  qui  nugas  pro  fidei  doctrina  obtrudant:  qui,  totam  sanctitatem  collocantes  in  externis  exercitiis,  spiritualem  Dei  cultum,  qui  solus  est  legitimus,  obscurent.  Et  sane  fuit  hoc  servis  Dei  perpetuum  certamen  cum  talibus,  quales  hic  depingit  Paulus.  Quia  enim  natura  homines  ad  hypocrisin  feruntur,  facile  illis  persuadet  Satan,  caeremonhs  et  externa  disciplina  rite  coli  Deum  :  imo  absque  magistro  hanc  omnes  fere  persuasionem  animis  infixam  habent.  Accedit  postea  Satanae  astus  ad  errorem  confirmandum.  Inde  factum  est  ut  saeculis  omnibus  exstiterint  impostores  qui  fictitios  cultus  commendarent,  quibus  obruebatur  vera  pietas.  Porro  haec  pestis  alteram