51:291  291  SERMON  IV  292  ex  cl  ure  et  aneantir  toute  opinion  que  les  hommes  pourroyent  concevoir  en  leur  teste  touchant  leur  dignite  propre.  Car  le  bon  plaisir  de  Dieu  ne  peut  avoir  lieu,  sinon  que  les  hommes  soyent  forclos  de  tous  merites,  et  qu'ils  viennent  la  pleinement  vuides.  Gar  si  tost  que  nous  presumons  d'apporter  ie  ne  scay  quoy  a  Dieu,  il  est  certain  que  c'est  nous  eslever  pour  obscurcir  sa  grace,  tellement  qu'elle  n'ait  plus  son  lustre  et  sa  preeminence  comme  elle  doit.  A  fin  donc  que  les  hommes  se  deportent  de  toute  vaine  confiance,  S.  Faul  nous  ramene  encores  au  bon  plaisir  de  Dieu:  comme  s'il  disoit  qu'il  n'y  a  eu  que  sa  bonte  gratuite  et  liberale,  quand  l'Evangile  s'est  publie  au  monde.  Or  cependant,  pour  reprimer  toute  l'audace  des  hommes,  il  adiouste,  Que  i)ieu  avoit  ordonne  auparavant  en  soy-mesme  ce  decret-la  de  sa  volonte,  et  ce  conseil  haut  et  incomprehensible.  Car  qui  est  cause  que  plusieurs  se  donnent  si  grande  licence  de  faire  des  questions  et  disputes,  et  de  plaider  a  l'encontre  de  Dieu,  sinon  d'autant  qu'il  semble  qu'ils  traittent  des  choses  qui  leur  doyvent  estre  toutes  patentes  et  notoires?  Ainsi  donc,  S.  Paul,  voyant  que  nous  avons  une  si  folle  temerite,  et  que  nous  sommes  par  trop  hardis  de  nous  enquerir  du  conseil  de  Dieu,  dit  que  ce  sont  lettres  closes,  et  que  Dieu  a  eu  son  conseil  en  soy,  et  qu'il  n'est  point  licite  aux  creatures  de  s'eslever  si  haut,  et  que  quand  elles  le  font,  c'est  pour  se  ruiner  et  pour  se  rompre  le  col.  Vray  est  que  nous  pouvons  bien  appliquer  toute  nostre  estude  a  scavoir  la  volonte  de  Dieu:  ouy  bien  en  tant  qu'il  la  nous  revele:  car  la  parole  de  Dieu  est  nostre  clairte.  Mais  quand  Dieu  cesse  de  parler,  il  veut  que  nous  soyons  retenus  en  bride  et  comme  captifs,  pour  ne  point  nous  esgarer  plus  outre.  Car  ce  sera  tousiours  entrer  en  un  labirinthe,  voire  au  profond  d'enfer,  quand  nous  voudrons  scavoir  plus  qu'il  ne  nous  est  permis,  c'est  a  dire,  plus  que  nous  ne  devons,  et  qu'il  ne  nous  communique  par  sa  parole.  Notons  bien  donc  ce  que  S.  Paul  a  voulu  dire  en  ce  passage:  c'est  que  quand  Dieu  retient  son  conseil  a  soy,  qu'il  faut  que  nous  baissions  la  teste,  et  que  nous  soyons  ignorans  de  nostre  bon  gre.  Car  c'est  une  sagesse  maudite  et  qui  est  pour  nous  mettre  au  gouffre  d'enfer,  quand  nous  prenons  ceste  licence  de  plus  scavoir  que  Dieu  ne  nous  a  enseigne.  Et  a  l'opposite,  nous  sommes  en  nostre  ignorance  plus  sages  que  tous  les  sages  du  monde,  quand  nous  n'appetons  point  de  rien  scavoir,  sinon  d'autant  que  la  parole  de  Dieu  nous  conduit  et  nous  gouverne.  Vray  est  qu'en  Dieu  il  n'y  a  qu'une  seule  volonte  et  simple:  mais  il  nous  la  declare  selon  nostre  mesure,  et  en  tant  qu'il  nous  est  expedient  et  utile:  comme  nous  avons  veu  de  la  remission  de  nos  pechez,  c'est  un  article  duquel  nous  ne  pouvons  pas  nous  passer:  et  c'est  pour