50:291  291  SERMONS  292'  les  macules  de  nos  pechez.  Voila  donc  comme  nous  pourrons  estre  asseurez  que  Dieu  nous  recoit.  Et  comment  pourrons  nous  avoir  la  hardiesse  de  l'invoquer,  et  d'avoir  nostre  recours  a  luy?  C'est  en  ayant  les  yeux  fichez  sur  le  sacrifice  que  nostre  Seigneur  Iesus  a  offert:  car  si  nons  n'avons  cela,  il  est  certain  que  tousiours  nous  serons  efirayez,  pensans  a,  la  maieste  de  Dieu.  Car  estans  poures  malfaicteurs,  comment  ne  craindrons  -  nous  nostre  Iuge  qui  est  arme  pour  executer  la  vengeance  que  nous  meritons?  Mais  cependant  puis  que  nostre  Seigneur  Iesus  a  enseveli  nos  fautes,  voila  comme  nous  pourrons  approcher  hardiment  de  Dieu,  et  sans  autre  difficulte.  Mais  quant  et  quant  il  nous  faut  noter  que  le  sacrifice  par  lequel  nostre  Seigneur  Iesus  nous  a  reconciliez  a  Dieu  son  Pere,  est  tellement  suffisant,  qu'il  faut  que  toute  nostre  fiance  soit  la  enclose,  et  que  nous  ne  cerchions  point  d'autres  moyens:  comme  aussi  sainct  Paul  a  voulu  ici  reduire  les  Galatiens  a  la  pure  verite,  pour  ce  qu'ils  avoyent  este  seduits  et  desbauchez:  non  pas  qu'ils  renoncassent  du  tout  Iesus  Christ,  mais  ils  mesloyent  les  ceremonies  de  la  loy,  a  fin  d'obtenir  la  remission  de  leurs  pechez,  estimans  qu'il  faloit  des  aides  a  cela.  Comme  en  la  Papaute  on  confessera  assez  que  Iesus  Christ  est  le  Redempteur  du  monde:  mais  cependant  chacun  cerche  d'appointer  avec  Dieu,  et  luy  apporter  ses  recompenses.  Or  les  Galatiens  avoyent  desia  este  embrouillez  de  telle  erreur.  Sainct  Paul  pour  ceste  cause  leur  monstre  que  les  pechez  ne  sont  effacez  sinon  par  ie  sacrifice  de  nostre  Seigneur  Iesus  Christ,  a  fin  que  nostre  foy  s'arreste  la  du  tout.  Il  faut  donc  pour  estre  participans  d'un  tel  bien,  que  nous  renoncions  a  toutes  ces  vaines  esperances,  et  a  toutes  ces  illusions  que  le  diable  nous  met  en  l'esprit,  quand  il  nous  destourne  de  nostre  Seigneur  Iesus  Christ  et  de  sa  pure  grace,  nous  faisant  a  croire  que  nous  pouvons  approcher  de  Dieu  en  luy  apportant  quelques  satisfactions.  En  somme,  iusques  a  ce  que  nous  ayons  cognu  qu'il  n'y  a  autre  lavement  pour  nettoyer  les  macules  de  nos  iniquitez,  sinon  le  sang  de  nostre  Seigneur  Iesus  Christ  qu'il  a  espandu,  et  duquel  nous  sommes  arrousez  par  le  sainct  Esprit,  il  est  certain  que  nous  ne  pourrons  iamais  venir  franchement  a  Dieu,  et  nous  appuyer  sur  sa  grace  et  sur  son  amour:  mais  que  nous  serons  tousiours  vagabons  en  nos  fantasies:  et  ce  sera  un  iuste  payement  de  nostre  incredulite,  d'autant  que  nous  n'avons  pas  apporte  a  nostre  Seigneur  Iesus  Christ  l'honneur  qu'il  meritoit.  Yoila  en  somme  ce  que  nous  avons  a  retenir  quand  sainct  Paul  nous  propose  ici  la  mort  et  passion  de  nostre  Seigneur  Iesus  Christ,  declarant  que  c'est  la  que  nous  trouverons  recompense  de  toutes  nos  fautes,  tellement  qu'elles  ne  viendront  plus  en  conte  devant  Dieu.