41:291  291  PRAELECTIONES  292  est  frivolum.  Neque  enim  staret  quod  dicitnr,  Resurrecturos  esse  alios  in  vitam,  alios  in  opprobria  et  abominationem.  Si  hoc  tantum  in  ecclesiam  Dei  competeret,  certe  nulli  resurgerent  in  opprobria  et  abominationem.  Sequitur  ergo  hic  angelum  disserere  de  resurrectione  ultima,  quae  omnibus  communis  est,  ita  ut  nulla  sit  exceptio.  Cur  autem  nos  ad  diem  illum  adventus  Christi  vocet,  nuper  exposui,  quoniam  scilicet  in  mundo  omnia  semper  confusa  erunt.  Necesse  est  igitur  mentes  nostras  attolli  sursum,  et  superare  quidquid  nunc  oculis  cernitur,  et  quidquid  potest  sensu  comprehendi.  Resurgent  ergo  ex  dormientibus  in  terra  et  pulvere,  hoc  est,  quamvis  sint  terra  et  pulvis,  nihilominus  resurgent,  quasi  diceret  spem  resurrectionis  non  esse  fundatam  in  aliqua  naturali  causa,  sed  pendere  ab  inaestimabili  virtute  Dei,  quae  superat  omnes  sensus  nostros.  Itaque  quamvis  redigendi  sint  tam  electi,  quam  reprobi  in  terram  et  pulverem,  non  tamen  hoc  fore  obstaculo,  quominus  Deus  omnes  excitet.  Ponit  terram  pulverem.  Admath  hic  est  genus  meo  iudicio,  Aphar  autem  est  species,  quasi  diceret,  Etiamsi  non  tantum  putrida  sint  cadavera,  sed  sint  redacta  in  pulverem,  hoc  est,  terram  minutam,  Deus  tamen  satis  magna  potentia  praeditus  est,  ut  mortuos  excitet  in  novam  vitam.  Hic  autem  locus  apprime  notatu  dignus  est,  quia  nusquam  in  prophetis  clarius  exstat  testimonium  de  resurrectione  ultima,  praesertim  quum  distincte  asserat  angelus,  tam  impios,  quam  electos  resurrecturos,  idque  in  vitam  sempiternam,  vel  in  opprobria  et  abominationem.  Aeternitas  autem  haec  opponitur  temporalibus  miseriis,  quibus  nunc  subiecti  sumus.  Et  hic  notanda  est  Pauli  admonitio  (Rom.  8,  18),  nempe  momentaneas  afflictiones,  quibus  Deus  nos  exercet,  non  posse  conferri  cum  aeterna  illa  gloria,  quae  fine  caret.  Haec  igitur  ratio  est  cur  diserte  angelus  exprimat  vitam  sempiternam  manere  electos,  opprobria  autem  et  abominationem  aeternam,  vel  saeculi,  manere  reprobos.  Postea  subiicit,  3.  Et  prudentes  (vel  intellectu  praediti.  Alii  transitive  accipiunt,  et  hoc  forte  loco  probabilis  esset  eorum  opinio,  quia  mox  iisdem  tribuit  iustificandi  partes.  Sed  cap.  l  l  melius  quadrabat  prior  sensus,  et  paulo  post  vers.  10  absolute  ponetur.  Ergo  qui  intellectu  sunt  praediti)  fulgebunt  quasi  fulgor  expansionis  (coelorum:  vertunt  firmamentum  Harakia)  et  qui  iustificant  multos  (hoc  est  qui  iustificaverint  multos)  sicut  stellae  in  saeculum  et  saeculum  (id  est,  in  perpetuum).  Hic  angelus  confirmat  quod  nuper  attigi  de  resurrectione  ultima,  et  ostendit  fructum  hunc  satis  nobis  esse,  quod  scilicet  reposita  est  nobis  aeterna  gloria  in  coelo.  Non  est  igitur  cur  queramur  in-