25:291  291  REDITUS  AD  HISTORIAM.  292  Balaam  filius  Beor,  dixit,  inquam,  vir  apertum  habens  oculum.  16.  Dixit  audiens  eloquia  Dei,  et  sciens  scientiam  Excelsi,  videns  visionem  omnipotentis:  cadens  et  discoopertum  habens  oculum.  10.  Et  excanduit  furor.  Quoniam  non  compescitur  impiorum  pertinacia  ut  Deo  cedant,  ubi  sub  iugum  cogere  vult  eorum  cupiditates,  necesse  est,  ubi  diutius  premuntur  tandem  rapi  in  furorem,  ita  nunc  post  fremitus  et  expostulationes  erumpit  Balac  in  fervorem  impetus,  et  contumeliose  Balaam,  cui  antehac  blanditus  fuerat,  reiicit  et  exturbat  e  suo  conspectu.  Neque  enim  sibi  temperat  quando  manus  complodit.  Gravius  autem  indignatur,  quod  Balaam  non  dubitaverit  libere  et  palam  facere  ipsum  testem  benedictionis  populi  Israelitici,  a  qua  maxime  abhorrebat:  nihil  enim  reges  magis  urit  quam  ubi  vident  homines  privatos  sua  saltem  praesentia  non  terreri.  Iam  quia  nullam  mercedem  dare  statuit  infausto  et  male  feriato  prophetae,  ne  quid  ex  eo  incurrat  dedecoris,  ac  si  illiberalis  esset,  odium  rei  in  Deum  avertit.  Et  verum  quidem  est  quod  dicit,  Deum  privasse  Balaam  honore:  sed  impie,  et  quasi  per  obtrectationem  Deum  substituit  reum  suo  loco:  imo  exprobrat  in  culpa  esse  quominus  fidem  datam  praestet.  12.  Cui  respondit  Balaam.  Vere  quidem  Balaam,  sed  perverso  animo,  quemadmodum  vidimus.  Serviliter  enim  apud  Balac  excusat  per  se  non  stare  quominus  morem  gerat  eius  votis,  sed  Deum  esse  impedimento.  Dolet  enim  sibi  mercedem  perire:  et  quamvis  magnifice  de  Dei  imperio  loquatur,  subindicat  tamen  violenter  se  magis  cogi  quam  sponte  exsequi  quod  mandatum  est.  Per  sermonem  Iehovae  intelligit  non  modo  decretum,  sed  quod  sibi  dictatum  fuerit,  et  tamen  transgredi  maxime  optasset:  verum  significat  se  alligatum  esse  virtute  spiritus  ut  oraculum  quale  accepit  vel  invitus  proferat.  Ita  verbum  Facere  refertur  ad  linguam,  vel  ad  munus  propheticum:  quia  non  fuerit  conductus  a  Balac,  ut  quidquam  manu  tentaret,  sed  tantum  ut  verbis  noceret  populo.  Cor  opponitur  revelationi  spiritus,  dicuntur  enim  impostores  loqui  ex  proprio  corde,  ubi  falso  Dei  nomen  obtendunt  suis  figmentis.  Negat  igitur  sibi  liberum  esse  loqui  ex  corde  suo,  quia  spiritus  Dei  sit  minister.  14.  Nunc  itaque  ecce,  ego.  Quia  hic  non  exprimitur  quale  dederit  consilium,  quibusdam  videtur  esse  defectiva  oratio:  atque  ita  referunt  ad  vafritiem  populo  exitialem,  cuius  postea  fiet  mentio:  nempe  ut  Moabiticae  se  feminae  prostituerent  ad  scortandum.  Alii  potius  existimant  Balaam  dedisse  consilium,  ut  securus  quiesceret,  quia  populi  felicitas  ipso  superstite  nihil  damni  afferret  Moabitis.  Ego  vero  simpliciter  accipio  pro  docere,  vel  monere  quid  utile  sit.  Commendat  igitur  oraculum,  ut