20:291  291  EPISTOLAE  4097.4099  292  (Autographo  de  la  bibliotheque  de  Geneve  Vol.  109,  fol.  133.)  A  Monsieur  Monsieur  despeville.  Monsieur  je  ne  vous  feray  longue  letre  pource  que  je  ne  doubte  point  que  ne  sachiez  bien  toutes  noz  affaires  de  par  deca  joinct  que  j'ay  entendu  que  Mr.  dEstemay  escrit  toutes  nouvelles  a  Mr.  de  la  Fleche  lequel  je  massure  bien  vous  en  fera  part.  Ce  porteur  est  depuis  peu  de  temps  venu  en  nos  maisons  icy  ou  il  est  congneu  de  longue  main  pour  lestant*  quautrefoys  il  a  faict  et  lequel  il  a  change  quatre  ans  y  a,  dieu  vueille  que  ce  soy  t  a  bon  escient.  Mondit  Sr.  pour  lenvye  quil  a  de  le  voyr  quelque  jour  servir  a  dieu  a  desire  quil  feust  ouy  de  nostre  compagnie,  ce  quil  a  este  :  maintenant  il  lenvoye  a  ses  despens  par  dela  ou  il  espere  seullement  estre  quatre  ou  six  moys.  Il  a  assez  de  hardiesse  mais  je  doubte  si  en  si  peu  de  temps  il  pourra  beaucoup  advancer  attendu  quayant  delaisse  sa  premiere  condition  il  na  depuis  nullement  vacque  aux  lettres  mais  na  fait  que  courrir  dun  coste  et  dautre.  Ge  que  nous  avons  asses  faict  entendre  a  mondit  Sr.  et  que  nous  ne  scavons  comment  il  sest  gouverne  durant  les  quatre  ans  passez.  Toutesfoys  la  bonne  esperance  quil  a  de  luy  et  la  fiance  aussi  quil  a  en  Mr.  de  la  Fleche  et  autres  ses  bons  amys,  qui  auront  loeil  sur  le  personnage  et  ladresseront  en  quelque  compagnie  d'autres  escoliers  qui  sont  desia  cognus,  le  faict  demeurer  ferme  en  son  propos.  Je  vous  ay  bien  voulu  escrire  ces  choses,  vous  suppliant  que  prenant  tout  en  bonne  part  jl  vous  plaise  vueillier*  pour  nous  en  cest  afaire.  Quant  a  nostre  frere  Molin,  il  prend  courage,  dieu  mercy,  encores  quil  ayt  este  traitte  assez  rudement  par  un  des  nostres,  lequel  est  a  present  a  Sedane.  Dieu  par  sa  grace  vueille  benir  ses  labeurs  et  les  nostres.  Au  reste  nous  avons  beaucoup  de  besongne  et  peu  douvriers,  beaucoup  de  fortz  ennemy  s  et  peu  de  vrays  amys.  A  cause  de  quoy  nous  avons  grand  besoin  destre  aydez  de  vos  bonnes  prieres  dont  je  vous  supplie  humblement.  Vous  recommandant  aussi  nostre  frere  et  amy  Lescuyer.  Nous  sommes  si  peu  en  ces  quartiers  que  nous  navons  moyen  davoir  aucune  conferance.  Toutesfoys  jespere  partir  lundy  prochain  pour  aller  trouver  Mr.  d'Aguin  a  Sainte  Marie  distant  de  ce  lieu  de  dix  lieues.  Or  en  cest  endroict  vous  ayant  presente  les  humbles  recommandations  de  moy  et  de  ma  femme  aux  bonnes  graces  et  sainctes  prieres  de  vous  et  de  vostre  compagnie  je  supplieray  le  createur,  Hic  dicit:  On  ignore  l'annee  de  sa  mort.  Aureliam  eum  se  contulisse  testis  est  Ep.  N.  3882.