15:291  291  EPISTOLA  2035  292  pJialo  congestam  incondito  prorsus  et  intempestive  productam  in  orbem  christianum,  ut  non  abs  re  chaos  vocaverit,  verum  ipsius  culpa,  non  christianorum  catholicorum,  quos  ipse  traducit  haereseos  titulo.  Ita  vero  tabulam  Ioachimi  recitabo  ut  opponam  annotatiunculas  non  aliunde  quam  ex  libello  Westphali  primo,  quia  non  omnes  viderunt  libellos  ipsius,  deinde  ut  appareat  liquidius,  qua  diligentia,  fide,  candore,  dexteritate  versatus  sit  bonus  ille  vir  in  causa  maxima.  Numeros  etiam  opponam  sententiis  ut  evidentior  sit  Zuinglianorum  discrepantia  scilicet,  eorumque  opiniones  conferri  et  componi  queant  cum  veterum  theologorum  expositionibus.  Tabula  breviter  et  summatim  ob  oculos  proponens  chaos  diversarum  opinionum  in  verbis  Christi:  hoc  est  corpus  meum.  1.  Tovro  (quod  coram  oculis  vestris  aspicitis)  est  corpus  meum.  Carolstadius  in  dialogo  scripsit:  Et  semper  sic  sensi  Christum  demonstrata  suo  corpore  dixisse:  hoc  est  corpus  meum  quod  pro  vobis  traditur.  Respexit  autem  ad  demonstrationem  Matth.  XVI.  Tu  es  Petrus  et  super  hanc  petram  aedificabo  etc.  2.  Hoc  significat  corpus  meum.  Zuinglius  in  Epist,  ad  Pomeranum.  Videbam  Tqoitbxmc  dictum  esse  hoc  est  corpus  meum,  et  loquutus  de  Batavi  cuiusdam  pii  ot  docti  epistola  in  ea,  inquit,  hanc  felicem  margaritam  inveni:  Est  pro  significat  accipi.  3.  4.  5.  Hoc  est  signum,  symbolum,  figura  corporis  quod  pro  vobis  datur.  Zuinglius  in  eadem  Epistola:  Consultius  videbatur  ipsam  vocem,  ia  qua  tropus  latet,  adaperire  ista  sua  clave  quam  solummodo  dicere  tropus  est.  Sic  igitur  docuimus:  est  pro  symbolum  est,  figura  est,  significat,  hic  positum  esse,  neque  nos  piget  huius  expositionis.  Ita  exposuit  in  Subsidio  et  alibi.  6.  Haec  est  passio  tolerata  in  corpore  meo.  Zuinglius  de  coena  Domini.  Quum  dico  sacramentum  corporis,  nihil  aliud  intelligere  volo  quam  panem  significare  corpus  Christi,  quod  sedet  ad  dextram  patris.  Vinum  quod  in  eucharistia  percipitur  signum  esse  sanguinis  eius.  Deinde  conferens  verba  coenae  et  dictum  servatoris  Ioan.  VI.:  Panis  quem  ego  dabo  caro  mea  est:  Caro,  inquit,  accipitur  pro  satisfactione  mortis  Christi.  Mors  enim  et  passio  Christi  quam  in  corpore  sustinuit,  sunt  nostra  redemptio.  Ita  intelligimus  et  haec  verba  Christi  ut  corpus  intelligatur  pro  salutifera  passione  tolerata  in  corpore.  Ibi  Ioachimus  Archigenes,  qui  novum  chaos  progenuit  in  margine  annotavit  enormem  contradictionem.  Videlicet  magna  rerum  divinarum  et  humanarum  confusio  est  et  contradictio  irreconciliabilis,  si  coniungantur  in  sermonibus  de  sacramentis,  symbolum  quod  significat  et  res  significata  et  rei  significatae  affectio  et  salutaris  effectus.