9:290  Iterum  excipis:  Creare  esse  opus  amoris  non  odii:  Deum  igitur  creasse  amore  non  odio.  Atqui  non  discernis,  quamvis  in  Adam  odiosi  sint  Deo  omnes,  in  creatione  tamen  fulgere  eius  amorem.  Ergo  quod  putasti  esse  valde  plausibile,  frivolum  esse  agnoscet,  quisquis  mediocri  iudicio  et  aequitate  erit  praeditus.  Quod  subiicis,  non  tam  meum  est  scripto  refellere,  quam  iudicum  gladio  severe  ulcisci.  Homines  ad  miseriam  nasci  palam  est:  an  meis  libris  causa  imputabitur?  Unde  haec  conditio,  [pag.  37]  ut  non  solum  temporalibus  miseriis,  sed  morti  quoque  aeternae  simus  obnoxii,  nisi  quia  unius  hominis  culpa  Deus  in  communem  reatum  nos  coniecit?  In  hac  misera  humani  generis  ruina  non  sententia  mea  legitur,  sed  conspicitur  apertum  Dei  opus.  Tu  sacrilegam  vocem  evomere  non  dubitas:  Deum  quovis  lupo  esse  deteriorem,  si  ad  miseriam  velit  creare  homines.  Nascuntur  caeci  quidam,  alii  surdi,  alii  prodigiosa  deformitate.  Te  quidem  iudice,  crudelis  esset  Deus,  qui  talibus  incommodis  foetus  suos  antequam  in  lucem  prodeant  affligit:  sed  olim  senties  quanto  melius  tibi  fuisset  nihil  unquam  vidisse,  quam  in  excutiendis  Dei  arcanis  tam  fuisse  perspicacem.  Deum  scilicet  accusas  iniustitiae,  imo  similem  monstro  esse  dicis,  si  aliter  de  hominibus  statuat  quam  quisque  nostrum  de  propriis  liberis.  Cur  ergo  alios  bardos,  alios  [pag.  38]  stupidos,  alios  moriones  creat?  An  sicuti  de  Faunis  et  Satyris  Iudaei  quidam  fabulantur,  ne  eos  absolveret,  fuisse  interceptum  die  Sabbathi,1)  ita  nugaberis  effluere  ex  eius  manibus  mutila  opera?  Atqui  tristibus  illis  spectaculis  nos  ad  timorem  et  modestiam  erudiri  potius  decebat,  quam  ex  cerebri  nostri  sensu  litem  intendere  coeli  terraeque  opifici.  Si  quis  occurrat  morio,  eius  conspectu  admoneor  qualem  me  creare  Deus  potuerit:  quotquot  sunt  stupidi  et  hebetes  in  mundo,  totidem  mihi  specula  proponit  Deus,  in  quibus  potentia  sua  non  minus  formidabilis  quam  mirifica  mihi  appareat.  Tu  vero  in  ipsum  blaterare  tibi  permittis,  ut  lupo  sit  deterior,  quia  tam  male  suis  creaturis  consulit.  Antequam  te  iuvet  Christi  dictum  :  Quia  bonus  est  Deus,  benignius  agere  cum  filiis  suis  quam  homines  qui  mali  sunt:  [pag.  39]  probandum  esset,  omnes  peraeque  esse  Dei  filios.  Atqui  omnes  constat  in  Adam  abdicatos  esse  vita  aeterna:  adoptionis  vero  specialem  esse  gratiam.  Unde  potius  sequetur  exosos  Deo  esse  quicunque  ab  eo  alieni  sunt.  Quae  citas  scripturae  testimonia,  iacula  sunt  temere  contorta  manu  hominis  phrenetici  :  Vidit  Deus  quae  fecerat,  et  erant  valde  bona.  Hinc  colligis  hominem  fuisse  valde  bonum.  Unde  rursus  infers,  Deum  1)  a  scavoir  qu'ils  sont  tels  pource  que  Dieu  fut  prevenu:  et  surprins  du  sabath  tellement  qu'il  ne  les  peut  achever.  19