52:290  sona  loqui,  quam  his  verbis:  Deus  manifestatus  in  carne.  Nam  primo,  disertum  hic  testimonium  habemus  utriusque  naturae:  verum  enim  Deum  et  verum  hominem  simul  pronuntiat.  Secundo,  notatur  inter  duas  naturas  distinctio:  quum  hinc  vocat  Deum,  inde  manifestationem  in  carne  ponit.  Tertio,  unitas  personae  significatur,  quum  unum  eundemque  esse  tradit:  qui  quum  Deus  esset,  manifestatus  fuit  in  carne.  Ita  hoc  uno  testimonio  vera  et  orthodoxa  fides  adversus  Arium,  Marcionem,  Nestorium  et  Eutychem  egregie  munitur.  Caeterum  magnum  emphasin  continent  ista  antitheta,  Deus  in  carne.  Quantum  enim  interest  inter  Deum  et  hominem?  Et  tamen  immensam  Dei  gloriam  sic  videmus  in  Christo  coniunctam  cum  hac  nostra  carnis  putredine,  ut  unum  efficiant.  Iustificatus  in  spiritu.  Sicuti  carnem  induendo  se  exinanivit  Filius  Dei:  ita  et  in  ipso  spiritualis  apparuit  virtus,  quae  Deum  esse  testatur.  Porro  locum  hunc  varie  exponunt.  Sed  ego,  germanum  apostoli  sensum,  ut  a  me  quidem  percipitur,  contentus  explicasse,  nihil  praeterea  addam.  Primum  iustificatio  hic  approbationem  divinae  potentiae  significat.  Ut  Psal.  19,  10,  iudicia  Dei  iustificata:  hoc  est,  exquisite  et  ad  unguem  perfecta.  Et  Psal.  51,  6,  iustificari  Deum,  pro  eo  quod  est  laudem  iustitiae  eius  conspicuam  reddi.  Sic  et  Matthaei  l  l  ,  19,  quum  dicit  Christus  iustificatam  esse  sapientiam  a  filiis  suis,  intelligit  honorem  illi  suum  exhibitum.  Item  Lucas  cap.  7,  35,  quum  publicanos  iustificasse  Deum  commemorat,  intelligit,  debita  reverentia  et  gratitudine  prosequutos  esse  Dei  gratiam,  quam  in  Christo  cernebant  Ergo  tantundem  valet  quod  hic  legimus,  ac  si  dixisset  Paulus,  eundem,  qui  humana  carne  vestitus  apparuit,  simul  tamen  declaratum  fuisse  Dei  filium,  ut  carnis  infirmitas  nihil  derogaverit  eius  gloriae.  Spiritus  nomine  comprehendit  quidquid  in  Christo  divinum  fuit  ac  supra  hominem:  idque  duas  ob  causas.  Nam  quia  in  carne  humiliatus  fuerat,  nunc  ex  adverso  illustrationem  gloriae  ponens,  spiritum  opposuit.  Deinde  gloria  illa  unigenito  Dei  filio  digna,  quam  Iohannes  in  Christo  spectatam  fuisse  docet  (1,  14),  non  externa  pompa,  non  terreno  splendore  constabat,  sed  spiritualis  fere  tota  erat.  Eadem  loquendi  forma  usus  est  primo  ad  Romanos  (v.  3),  Qui  factus  est  ex  semine  David  secundum  carnem,  declaratus  autem  filius  Dei  in  potentia  spiritus:  nisi  quod  speciem  unam  illic  adiicit,  nempe  resurrectionem.  Visus  angelis,  praedicatus  gentibus.  Mira  omnia  et  stupenda:  quod  gentes,  quae  hactenus  in  caecitate  mentis  erraverant,  dignatus  est  Deus  revelatione  filii  sui,  quae  coelestes  quoque  angelos  latuerat.  Nam  quod  angelis  visum  esse  dicit,  intelligit  tale  spectaculum  fuisse,  quod  tam  novitate  quam  praestantia  sua  angelos  in  se  converterit��  19